PM Modi begins special fasting: பிரதமர் மோடி11 நாட்கள் சிறப்பு உண்ணாவிரதம்
பைல் படம்.
PM Modi begins special fasting: அயோத்தியில் உள்ள ராமர் கோவில் கும்பாபிஷேகத்தை முன்னிட்டு 11 நாட்கள் சிறப்பு உண்ணாவிரதத்தை பிரதமர் நரேந்திர மோடி தொடங்கி வைத்தார்.
ஜனவரி 22 ஆம் தேதி பிரமாண்டமான ராமர் கோயில் குடமுழுக்கு விழாவுக்கு முன்னதாக பிரதமர் நரேந்திர மோடி 11 நாட்கள் சிறப்பு மத நடைமுறையைத் தொடங்கினார்.
இதுகுறித்து பிரதமர் மோடி தனது எக்ஸ் தள பதிவில், அயோத்தியில் ராம்லாலா கும்பாபிஷேகத்திற்கு இன்னும் 11 நாட்கள் மட்டுமே உள்ளன. இந்த நல்ல சந்தர்ப்பத்தில் நானும் சாட்சியாக இருப்பதில் நான் அதிர்ஷ்டசாலி. குடமுழுக்கு விழாவின் போது இந்திய மக்கள் அனைவரையும் பிரதிநிதித்துவப்படுத்தும் ஒரு கருவியாக இறைவன் என்னை ஆக்கியுள்ளார்.
இதை மனதில் வைத்து, இன்று முதல் 11 நாட்களுக்கு ஒரு சிறப்பு சடங்கை தொடங்குகிறேன். அனைத்து மக்களிடமும் ஆசீர்வாதம் பெறுகிறேன். இந்த நேரத்தில், என் உணர்வுகளை வார்த்தைகளில் வெளிப்படுத்துவது மிகவும் கடினம் என தெரிவித்துள்ளார்.
சாஸ்திரங்களில், ஒரு தெய்வத்தின் சிலை பிரதிஷ்டை என்பது ஒரு விரிவான செயல்முறையாகும், இதற்காக, கும்பாபிஷேகத்திற்கு பல நாட்களுக்கு முன்பு பின்பற்றப்பட வேண்டிய விதிகள் கொடுக்கப்பட்டுள்ளன.
தேவ பிரதிஷ்டை என்பது தெய்வீக உணர்வை பூலோக சிலைக்குள் புகுத்தும் சடங்காக விவரிக்கப்படுகிறது. இதற்காக, சடங்கிற்கு முன் நோன்பு நோற்பதற்கான விதிகள் சாஸ்திரங்களில் குறிப்பிடப்பட்டுள்ளன.
அயோத்தியில் உள்ள ராம் லல்லாவின் பிராண பிரதிஷ்டை விழாவுக்கான வேத சடங்குகள் ஜனவரி 16 ஆம் தேதி தொடங்கும். வாரணாசியைச் சேர்ந்த பூசாரி லட்சுமி காந்த் தீட்சித் ஜனவரி 22 ஆம் தேதி முக்கிய சடங்குகளை செய்வார். ஜனவரி 14 முதல் ஜனவரி 22 வரை அயோத்தியில் அம்ரித் மஹோத்சவ் நடைபெறும்.
அயோத்தியில் ஜனவரி 22 ஆம் தேதி நடைபெறும் ராமர் கோயில் குடமுழுக்கு விழாவுக்கு பல அரசியல் தலைவர்கள், தொழிலதிபர்கள், விளையாட்டு வீரர்கள் மற்றும் பிரபலங்களுக்கு அழைப்பு விடுக்கப்பட்டுள்ளது. கோயில் நகரமான உத்தரபிரதேசத்தில் நடைபெறும் பிரான் பிரதிஷ்டை விழாவில் பிரதமர் மோடி கலந்து கொள்கிறார்.
ஜனவரி 22-ம் தேதி பிராண பிரதிஷ்டையை முன்னிட்டு ஒரு லட்சத்துக்கும் மேற்பட்ட பக்தர்கள் கோயிலுக்கு வருவார்கள் என்று எதிர்பார்க்கப்படுகிறது. அழைப்பாளர்கள் பட்டியலில் இந்தியா மற்றும் வெளிநாடுகளில் இருந்து சுமார் 7,000 விருந்தினர்கள் இருப்பதாக வட்டாரங்கள் தெரிவித்தன.
உத்தரப்பிரதேச மாநிலம், அயோத்தியில் ஜனவரி 22 ஆம் தேதி ராமரின் வரலாற்று சிறப்புமிக்க கும்பாபிஷேக விழாவில் கலந்துகொள்ளும் பிரமுகர்கள் மற்றும் பக்தர்களுக்கு இனிப்பு பிரசாதங்களை வழங்க வாரணாசி மற்றும் குஜராத் மிட்டாய் உற்பத்தியாளர்கள் குழு அதனை தயாரிப்பதில் மும்முரமாக ஈடுபட்டுள்ளனர்.
இந்த விழாவின் போது ராமருக்கு பிரசாதமாக வழங்கப்படும் தூய நாட்டு நெய்யில் லட்டு தயாரிக்கும் பணியில் பிரபல மிட்டாய் உற்பத்தியாளர்கள் ஈடுபட்டுள்ளனர்.
மேலும் இவ்விழா ஜனவரி 6 ஆம் தேதி தொடங்கி ஜனவரி 22 ஆம் தேதி வரை தொடரும். அப்போது அயோத்தி நகரம் பக்தர்கள் மற்றும் பிரமுகர்களால் நிரம்பி வழியும். இவர்கள் ஒரு நாளைக்கு, 1,200 கிலோ லட்டு தயாரித்து வருகின்றனர். விழாவுக்காக மொத்தம் 45 டன் லட்டுகளை தயார் செய்ய கர்கள் மற்றும் பக்தர்களுக்கு இனிப்பு பிரசாதங்களை வழங்க நியமிக்கப்பட்டுள்ளதாக தகவல்கள் தெரிவிக்கின்றன.
தூய நாட்டு நெய்யை பயன்படுத்தி இந்த லட்டுகள் தயாரிக்கப்பட்டு, இம்மாதம் 22-ம் தேதி ராம் லாலாவுக்கு பிரசாதமாக வழங்கப்படும். ஜனவரி 6-ம் தேதி முதல் லட்டு தயாரித்து வருகின்றனர்.
