பிபர்ஜாய் புயல் எச்சரிக்கை: தற்காலிக முகாம்களுக்கு மக்கள் மாற்றம்

குஜராத் மாநிலத்தில் புயல் எச்சரிக்கைக்கு மத்தியில், குஜராத்தின் கட்ச் பகுதியில் உள்ள காண்ட்லாவில் உள்ள தீன்தயாள் துறைமுக ஆணையத்தின் அதிகாரிகள் தாழ்வான பகுதிகளில் இருந்து மக்களை தற்காலிக தங்குமிடங்களுக்கு மாற்றத் தொடங்கியுள்ளனர். ஏதேனும் அவசரச் சூழல் ஏற்பட்டால் உஷாராக இருக்குமாறு அதிகாரிகள் கேட்டுக் கொள்ளப்பட்டுள்ளனர்.

குஜராத்தின் காண்ட்லாவில் உள்ள தீன்தயாள் துறைமுக ஆணையத்தின் மக்கள் தொடர்பு அதிகாரி ஓம் பிரகாஷ், துறைமுகத்தில் இருந்து ஆறு கப்பல்கள் வெளியேறிவிட்டதாகவும் மேலும் 11 கப்பல்கள் நாளை வெளியேறும் என்றும் தெரிவித்தார்.

“இன்று ஆறு கப்பல்கள் துறைமுகத்தில் இருந்து புறப்பட்டன, மேலும் 11 கப்பல்கள் நாளை புறப்படும். துறைமுக அதிகாரிகள் மற்றும் கப்பல் உரிமையாளர்கள் எச்சரிக்கையாக இருக்குமாறு கேட்டுக் கொள்ளப்பட்டுள்ளனர். காண்ட்லாவின் தாழ்வான பகுதிகளில் தங்கியிருப்பவர்கள் காந்திதாமில் உள்ள தற்காலிக தங்குமிடங்களுக்கு மாற்றப்பட்டு வருகின்றனர்.

சௌராஷ்டிரா மற்றும் கட்ச் கடற்கரைகளுக்கு வானிலை ஆய்வு மையம் புயல் எச்சரிக்கை விடுத்துள்ளது. புயல் கரையைக் கடக்கும் கட்ச் மற்றும் போர்பந்தர் இடையே எங்கும் இருக்கக்கூடும் என்றும், ஜூன் 15 அல்லது 16 ஆம் தேதி கரையை கடப்பதற்கு முன் சிறிது வலுவிழந்துவிடும் என்றும் கூறுகின்றன.

மிகக் கடுமையான புயலான 'பிபர்ஜாய்' ஜூன் 15 ஆம் தேதி நண்பகல் சௌராஷ்டிரா மற்றும் கட்ச் இடையே கடக்கும் என்று எதிர்பார்க்கப்படுகிறது. குஜராத் கடற்கரையை கடக்கும் நாளில் மக்கள் பாதுகாப்பான இடங்களில் இருக்க வேண்டும்," என்று வானிலை ஆய்வு மைய இயக்குனர் ஜெனரல் மிருத்யுஞ்சய் மொஹபத்ராகூறினார்.

புயல் கட்ச் அருகே நெருங்கும் போது காற்றின் வேகம் மணிக்கு 125 முதல் 135 கிமீ வேகத்தில் வீசும் என எதிர்பார்க்கப்படுகிறது என்றார்.

"இந்த காற்றின் வேகமானது 'மிகக் கடுமையான' சூறாவளி காற்றின் வேகம். எனவே கடலில் உருவாகும் அலைகளின் உயரம் சுமார் 10-14 உயரத்தில் இருக்கும். மீனவர்களுக்கு அடுத்த 5 நாட்களுக்கு எச்சரிக்கை விடுக்கப்பட்டுள்ளது," என்று மிருத்யுஞ்சய் மொஹபத்ரா கூறினார்.

வானிலை ஆய்வு மைய அறிக்கையில், ஜூன் 14 காலை வரை புயல் கிட்டத்தட்ட வடக்கு நோக்கி நகரக்கூடும். பின்னர் வடக்கு-வடகிழக்கு நோக்கி நகர்ந்து, சௌராஷ்டிரா மற்றும் கட்ச் மற்றும் மாண்ட்வி (குஜராத்) மற்றும் கராச்சி (பாகிஸ்தான்) இடையே ஜூன் 15 ஆம் தேதி நண்பகல் வேளையில் மிகக் கடுமையான சூறாவளி புயலாக மாறும். அதிகபட்சமாக 125-135 கிமீ வேகத்தில் 150 கிமீ வேகத்தில் காற்று வீசும்" என்று கூறியுள்ளது