பணம் கொடுத்து பிரசுரமான செய்தி: நியூயார்க் டைம்ஸ் செய்தி குறித்து பாஜக தாக்குதல்

டெல்லியின் கல்வி மாதிரி பற்றிய அறிக்கை தி நியூயார்க் டைம்ஸ் மற்றும் கலீஜ் டைம்ஸில் வந்த சில மணிநேரங்களுக்குப் பிறகு, பாஜக ஆம் ஆத்மி கட்சியின் மீது கடுமையான தாக்குதலைத் தொடங்கியது, 'பணம் கொடுத்து பிரசுரமான செய்தியே தவிர வேறொன்றுமில்லை' என்று நிராகரித்தது. ஆனால், கலீஜ் டைம்ஸ் பத்திரிகை இந்த செய்தியை தி நியூயார்க் டைம்ஸ் பத்திரிக்கையில் இருந்து வெளியிட்டதாக கூறியது.

பாஜகவின் ஐடி செல் தலைவர் அமித் மாளவியா தனது ட்வீட்டில், "நியூயார்க் டைம்ஸ் மற்றும் கலீஜ் டைம்ஸ் ஆகியவை டெல்லியின் இல்லாத கல்வி மாதிரியில் ஒரே நபரால் எழுதப்பட்ட ஒரே கட்டுரையை, வார்த்தைக்கு வார்த்தை, அதே படங்களை (அதுவும் ஒரு தனியார் பள்ளி) கொண்டு வருவது எப்படி? அரவிந்த் கெஜ்ரிவாலின் தற்காப்புக்காக பணம் செலுத்தி பிரசுரித்துள்ளனர்" என்று கூறியுள்ளார்.

கட்சியின் டெல்லி பிரிவின் தகவல் தொழில்நுட்பப் பிரிவைக் கண்காணிக்கும் புனித் அகர்வால் "தி நியூயார்க் டைம்ஸ் மற்றும் கலீஜ் டைம்ஸில் ஒரே மாதிரியான கட்டுரைகள் அச்சிடப்பட்ட அதே படைப்புகள், அதே படங்கள் மற்றும் அதே எழுத்தாளர். இதற்கு பெயர் செய்தி அல்ல. இது கட்டண செய்தி என்று அழைக்கப்படுகிறது. மனிஷ் சிசோடியா தகுதியான இடத்திற்கு செல்ல வேண்டும். அதுதான் சிறை என்று கூறியுள்ளார்

புதிய மதுக் கொள்கை தொடர்பாக டெல்லியின் துணை முதல்வர் மணீஷ் சிசோடியாவின் வீட்டில் சிபிஐ சோதனை நடத்திய பின்பு இது வந்துள்ளது. டெல்லி மற்றும் 6 மாநிலங்களில் 20 இடங்களில் சிபிஐ அதிகாரிகள் சோதனை நடத்தினர்.

ரெய்டுகளுக்குப் பிறகு, தி நியூயார்க் டைம்ஸில் "டெல்லியின் கல்விப் புரட்சி" பற்றிய முதல் பக்கக் கதையை விளம்பரப்படுத்தியதில் இருந்து, ஆம் ஆத்மி அதிக முயற்சியில் ஈடுபட்டுள்ளது. மணீஷ் சிசோடியா கலால் மற்றும் கல்வி உட்பட பல இலாகாக்களை வைத்துள்ளார்.