நீட் தேர்வு: மாணவிகள் உள்ளாடையை அகற்ற கூறிய விவாகாரத்தில் தேசிய மகளிர் ஆணையம் நோட்டிஸ்

ஜூலை 17 (ஞாயிற்றுக்கிழமை) அன்று நடைபெற்ற நீட் தேர்வில், தேர்வெழுதிய பெண் ஒருவரின் தந்தை, தேர்வு அறைக்குள் நுழைவதற்கு முன்பு தனது மகளின் உள் ஆடைகளை கழற்றச் சொன்னதாக குற்றம் சாட்டினார். கொல்லத்தில் உள்ள மார்தோமா இன்ஸ்டிடியூட் ஆஃப் இன்ஃபர்மேஷன் அண்ட் டெக்னாலஜியில் பல மாணவிகள் இதைச் செய்யும்படி கேட்கப்பட்டதாகவும் அவர் குற்றம் சாட்டினார். நுழைவுத் தேர்வில் கலந்துகொள்ளும் முன் பெண் விண்ணப்பதாரர்கள் உள்ளாடைகளை கழற்ற வேண்டிய கட்டாயம் ஏற்பட்டது .

திங்கள்கிழமை இரவு வெளியிடப்பட்ட ஒரு அறிக்கையில், குற்றச்சாட்டுகளை எதிர்த்து, தேர்வு மையத்தின் பொறுப்பில் இருந்த பார்வையாளர்கள் அத்தகைய சம்பவம் எதையும் தெரிவிக்கவில்லை என்று கூறியது. தேர்வு மைய கண்காணிப்பாளர் புகாரை "கற்பனை" என்று நிராகரித்தார், அதே நேரத்தில் தேசிய தேர்வு முகமை NTA நகர ஒருங்கிணைப்பாளர் இது "தவறான நோக்கத்துடன்" செய்யப்பட்டது என்று குற்றம் சாட்டினார். இதற்கிடையில், கேரளாவின் உயர்கல்வி அமைச்சர் டாக்டர் ஆர் பிந்துவும் இந்த சம்பவம் "மிகவும் கண்டிக்கத்தக்கது" என்று விவரித்தார்.

இந்த விவகாரம் குறித்து விசாரணை நடத்த ஏஜென்சி ஒரு குழுவை கேரளாவுக்கு அனுப்பும் என்று கல்வி அமைச்சக வட்டாரங்கள் செவ்வாய்க்கிழமை தெரிவித்தன . "தேசிய தேர்வு முகமை ஆண்டுதோறும் மூன்று முக்கிய நுழைவு தேர்வுகளை நடத்துகிறது, இதில் 18 லட்சத்திற்கும் அதிகமானவர்கள் எழுதும் நீட் தேர்வு மிகப்பெரியது. இந்த விவகாரத்தை அமைச்சகம் இதை மிகவும் தீவிரமாக எடுத்துள்ளது. இது தொடர்பாக ஒரு குழுவை கேரளாவுக்கு அனுப்புகிறது" என்று அமைச்சக அதிகாரி கூறினார்.

இப்போது தேசிய மகளிர் ஆணையம் இந்த விஷயத்தில் கடுமையான விசாரணை தேவை என்று தேசிய தேர்வு முகமை தலைவருக்கு கடிதம் எழுதியுள்ளது. இளம் பெண்களின் கண்ணியத்திற்கு எதிராக அவமானகரமான இந்த சம்பவத்தை ஆணையம் தீவிரமாக எடுத்துள்ளது. மாணவிகள் சுமத்தியுள்ள குற்றச்சாட்டுகள் குறித்து சுதந்திரமான விசாரணை நடத்தி, அதற்கு காரணமானவர்கள் மீது சட்டப்படி உரிய நடவடிக்கை எடுக்குமாறு தேசிய தேர்வு முகமையின் தலைவருக்கு தலைவர் திருமதி ரேகா சர்மா கடிதம் எழுதியுள்ளார். ஆணையம் இந்த விவகாரத்தில் காலவரையறையான விசாரணையையும் கோரியுள்ளது.

மேலும், குற்றச்சாட்டுகள் உண்மை என கண்டறியப்பட்டால், சம்பந்தப்பட்ட சட்ட விதிகளின் கீழ் எஃப்ஐஆர் பதிவு செய்யுமாறு கேரள காவல்துறை தலைமை இயக்குநருக்கு ஆணையம் கடிதம் எழுதியுள்ளது . இந்த விவகாரத்தில் உரிய நடவடிக்கை எடுக்க கேரளக் குழுவுக்கு ஆணையம் 3 நாட்கள் அவகாசம் அளித்துள்ளது.