பணம் என்ன மரத்துலயா காய்க்குது?: கர்நாடக தேர்தலில் நிஜமானது

தேர்தல் நடக்கவிருக்கும் கர்நாடகாவில் ​​மரங்களில் வளர்ந்து ஆட்டோரிக்சாவில் பயணம் செய்த ஒரு கோடி ரூபாய் பணம் கண்டுபிடிக்கப்பட்டுள்ளது.

கர்நாடக மாநிலம் மைசூரில் உள்ள சுப்ரமணிய ராய் வீட்டில் வருமான வரித்துறையினர் ஒரு கோடி ரூபாய் பறிமுதல் செய்துள்ளனர். ராய் புத்தூர் காங்கிரஸ் வேட்பாளர் அசோக்குமார் ராயின் சகோதரர் ஆவார்.

மாமரத்தில் வைக்கப்பட்டிருந்த பெட்டியில் மறைத்து வைக்கப்பட்டிருந்த தொகையை அதிகாரிகள் புதன்கிழமை கைப்பற்றினர். தேர்தல் நடைபெறும் கர்நாடகாவில் கடந்த சில வாரங்களாக ஐடி துறையினர் தொடர் சோதனையில் ஈடுபட்டுள்ளனர்.

1 கோடி கணக்கில் வராத பணத்துடன் 2 பேரை பெங்களூரு காவல்துறையினர் கைது செய்தனர். ஏப்ரல் 13ஆம் தேதி சிட்டி மார்க்கெட் பகுதிக்கு அருகில் ஒரு ஆட்டோவில் இருந்து மீட்கப்பட்டது .

கர்நாடகாவில் மாதிரி நடத்தை விதிகள் அமலில் உள்ளதால், உரிய ஆவணங்கள் இல்லாமல் பெரிய தொகையை கொண்டு செல்ல அனுமதி இல்லை.

கடந்த மாதம், தனியார் ரியல் எஸ்டேட் டெவலப்பர் அங்கிதா பில்டர்ஸ் அலுவலகம் மற்றும் ஹுப்பள்ளியில் உள்ள அதன் உரிமையாளர் நாராயண் ஆச்சார்யாவின் வீடுகளில் ஐடி குழுக்கள் சோதனை நடத்தினர்.

முன்னாள் காங்கிரஸ் தலைவர் கங்காதர் கவுடாவின் இரண்டு குடியிருப்பு வளாகங்களிலும், தட்சிண கன்னடாவின் பெல்தங்கடியில் உள்ள ஒரு கல்வி நிறுவனத்திலும் வருமான வரித்துறையினர் சோதனை நடத்திய ஒரு நாள் கழித்து இந்த நடவடிக்கை எடுக்கப்பட்டுள்ளது. இந்த கல்வி நிறுவனம் கங்காதர் கவுடாவின் மகன் ரஞ்சன் கவுடாவுக்கு சொந்தமானது.

2018ஆம் ஆண்டு பாஜகவில் இருந்து விலகி காங்கிரஸில் சேர்ந்த கவுடா, கர்நாடக சட்டமன்றத் தேர்தலுக்கு டிக்கெட் மறுக்கப்பட்டதைத் தொடர்ந்து அரசியலில் இருந்து விலகுவதாக சமீபத்தில் அறிவித்தார்.

கர்நாடகாவில் மே 10-ம் தேதி தேர்தல் நடைபெற்று முடிவுகள் மே 13-ம் தேதி வெளியாகும்.