Bharat Jodo Nyay Yatra: மீண்டும் நடைபயணத்தை துவங்கும் ராகுல் காந்தி

ராகுல்காந்தி மீண்டும் தொடங்கவுள்ள இந்திய ஒற்றுணை நடைபயணத்தின் லோகோ, டேக்லைனை காங்கிரஸ் கட்சியின் தலைவர் கார்கே வெளியிட்டுள்ளார்.

ராகுல் காந்தி தலைமையில் நடைபெறும் இந்த யாத்திரை மணிப்பூரின் இம்பாலில் தொடங்கி நாட்டின் 15 மாநிலங்கள் வழியாக சென்று மும்பையில் நிறைவடைகிறது.

மணிப்பூரில் இருந்து ஜனவரி 14 ஆம் தேதி தொடங்கவுள்ள காங்கிரஸ் தலைவர் ராகுல் காந்தியின் 'பாரத் ஜோடோ நியாய் யாத்ரா' நாட்டின் அடிப்படை சமூக, அரசியல் மற்றும் பொருளாதார பிரச்சினைகளில் கவனம் செலுத்தும் என்று கட்சித் தலைவர் மல்லிகார்ஜுன கார்கே சனிக்கிழமை தெரிவித்தார். பாரத் ஜோடோ நியாய் யாத்ரா லோகோ மற்றும் "நியாய் கா ஹக் மில்னே தக்" என்ற டேக்லைனையும் கார்கே வெளியிட்டார்.

ஜனவரி 14-ம் தேதி முதல் 'பாரத் ஜோடோ நியாய் யாத்ரா'வை தொடங்க உள்ளோம். ராகுல் காந்தி தலைமையில் நடைபெறும் இந்த யாத்திரை மணிப்பூரின் இம்பாலில் தொடங்கி நாட்டின் 15 மாநிலங்கள் வழியாக சென்று மும்பையில் நிறைவடைகிறது. இந்த யாத்திரை 110 மாவட்டங்கள், 100 மக்களவைத் தொகுதிகள் மற்றும் 337 சட்டமன்றத் தொகுதிகளை உள்ளடக்கியது என செய்தியாளர் கூட்டத்தில் மல்லிகார்ஜூன கார்கே கூறினார்.

ராகுல்காந்தி தனது எக்ஸ் தள பதிவில், அநீதி மற்றும் ஈகோவுக்கு எதிராக - நீதி என்ற கோஷத்தை எழுப்புவதன் மூலம் நாங்கள் எங்கள் சொந்த மக்கள் மத்தியில் மீண்டும் வருகிறோம்.

சத்தியத்தின் இந்த பாதையில் நான் சத்தியம் செய்கிறேன். எனக்கு நீதிக்கான உரிமை கிடைக்கும் வரை பயணம் தொடரும் என்று ராகுல் காந்தி முன்னதாக தான் வழிநடத்திய பாரத் ஜோடோ யாத்திரையின் வீடியோவைப் பகிர்ந்து கொண்டார்.

இதுகுறித்து காங்கிரஸ் செய்தித் தொடர்பாளர் தனஞ்சய் தாக்கூர் கூறுகையில், இந்த யாத்திரை 67 நாட்களில் 6,700 கிலோ மீட்டர் தூரத்தை கடக்கும். பிப்ரவரி 16-17 க்குப் பிறகு சத்தீஸ்கரை அடையும் என்று எதிர்பார்க்கப்படுகிறது. மேலும் இது மாநிலத்தில் உள்ள ஏழு மாவட்டங்களை ஐந்து நாட்களில் கடக்கும், அங்கு மக்கள் தொகையில் சுமார் 32 சதவீதம் பழங்குடியினர் உள்ளனர்.

பொது உரிமைகளுக்காகப் போராடுவதற்கான வலுவான ஆயுதமாக 'சத்தியாகிரகத்தை' காங்கிரஸ் கருதுகிறது. "பாரத் ஜோடோ நியாய் பாதயாத்திரை சுதந்திரத்திற்குப் பிறகு நாட்டின் மிகப்பெரிய மற்றும் மாற்றக்கூடிய சத்தியாகிரகமாக இருக்கும் என்று அவர் கூறினார்.

சத்தீஸ்கர் மாநிலத்தில் சமீபத்தில் நடந்த சட்டமன்றத் தேர்தலில் காங்கிரஸ் கட்சி அதிர்ச்சி தோல்வியை சந்தித்ததால், மக்களவைத் தேர்தலுக்கு முன்னதாக இந்த யாத்திரையின் மூலம் கட்சித் தொண்டர்களின் மன உறுதியை அதிகரிக்க காங்கிரஸ் விரும்புகிறது என்று அரசியல் வல்லுநர்கள் தெரிவிக்கின்றனர்.

சத்தீஸ்கரில் 90 உறுப்பினர்களைக் கொண்ட பாரதிய ஜனதா கட்சி 54 இடங்களைக் கைப்பற்றி மீண்டும் ஆட்சியைப் பிடித்தது, அதே நேரத்தில் காங்கிரஸ் 35 இடங்களில் வெற்றி பெற்றது. இதில் கோண்ட்வானா கண்டந்திரா கட்சி வெற்றி பெற்றது.

முன்னதாக, கன்னியாகுமரி முதல் காஷ்மீர் வரை ராகுல் காந்தியின் 'பாரத் ஜோடோ யாத்திரை' போல பாரத் ஜோடோ நியாய் யாத்திரையும் அரசியலுக்கு மாற்றத்தை ஏற்படுத்தும் என்று காங்கிரஸ் மூத்த தலைவர் ஜெய்ராம் ரமேஷ் தெரிவித்துள்ளார்.