இந்தியாவில் புதிதாக 92 ஆயிரத்து 596 பேருக்கு கொரோனா

இந்தியாவில் கடந்த 24 மணி நேரத்தில் 92 ஆயிரத்து 596 பேருக்கு புதிதாக கொரோனா தொற்று உறுதி செய்யப்பட்டுள்ளது. இதனால், நாட்டில் கொரோனா பரவியவர்களின் மொத்த எண்ணிக்கை 2 கோடியே 90 லட்சத்து 89 ஆயிரத்து 69 ஆக அதிகரித்துள்ளது.வைரஸ் பாதிக்கப்பட்டவர்களில் 12 லட்சத்து 31 ஆயிரத்து 415 பேர் மருத்துவமனையில் சிகிச்சை பெற்று வருகின்றனர்.

கொரோனா பாதிப்பில் இருந்து கடந்த 24 மணிநேரத்தில் 1 லட்சத்து 62 ஆயிரத்து 664 பேர் குணமடைந்து வீடு திரும்பினர். இதனால், நாட்டில் கொரோனாவில் இருந்து குணமடைந்தோர் மொத்த எண்ணிக்கை 2 கோடியே 75 லட்சத்து 4 ஆயிரத்து 126 ஆக உயர்ந்துள்ளது.

கடந்த 24 மணிநேரத்தில் சிகிச்சை பலன் இன்றி 2 ,219 பேர் உயிரழ்ந்துள்ளனர். இதனால், இந்தியாவில் கொரோனா சிகிச்சை பலன் இன்றி இறந்தவர்களின் மொத்த எண்ணிக்கை 3 லட்சத்து 53 ஆயிரத்து 528 ஆக உயர்ந்துள்ளது.

இந்தியாவில் இதுவரை 23 கோடியே 90 லட்சத்து 58 ஆயிரத்து 360 பேருக்கு கொரோனா தடுப்பூசி செலுத்தப்பட்டுள்ளது.இந்தியாவில் இரண்டு மாதங்களுக்கு பிறகு தொடர்ந்து 2 வது நாளாக தொற்று தொற்று பாதிப்பு 1 லட்சத்திற்கும் கீழ் குறைந்துள்ளது. இவ்வாறு மத்திய சுகாதார அமைச்சகம் வெளியிட்டுள்ள செய்தி குறிப்பில் தெரிவிக்கப்பட்டுள்ளது.