பெண்களுக்கு தொல்லை கொடுப்பவர்களுக்கு யமன் காத்திருக்கிறார்: யோகி ஆதித்யநாத்

உத்தரபிரதேசத்தில் பெண்களை துன்புறுத்துவது போன்ற குற்றத்தை யாராவது செய்தால், அவருக்காக யமன் காத்திருப்பார் என்று அம்மாநில முதல்வர் யோகி ஆதித்யநாத் தெரிவித்தார்.

அம்பேத்கர்நகரில் மோட்டார் சைக்கிளில் வந்த இருவர் ஒரு மாணவியின் 'துப்பட்டா'வை இழுத்து மானபங்கம் செய்யும் முயற்சியில் இழுத்ததில், சைக்கிளில் இருந்து மாணவி தவறி விழுந்ததார். பின்னால் வந்த மற்றொரு மோட்டார் சைக்கிள் அவர் மீது ஏறியதால் மாணவி உயிரிழந்தார்.

இச்சம்பவம் வெள்ளிக்கிழமை இடம்பெற்றது மற்றும் மூன்று குற்றவாளிகளும் சனிக்கிழமை இரவு கைது செய்யப்பட்டனர். ஞாயிற்றுக்கிழமை காவலில் இருந்து தப்பிச் செல்ல முயன்றபோது, ​​குற்றம் சாட்டப்பட்டவர்களில் இருவருக்கு துப்பாக்கி குண்டு காயங்கள் ஏற்பட்டதாகவும், ஒருவருக்கு காலில் எலும்பு முறிவு ஏற்பட்டதாகவும் காவல்துறையினர் தெரிவித்தனர்.

மாநிலத்தில் பெண்களை துன்புறுத்துவது போன்ற குற்றத்தை யாராவது செய்தால் மரண தெய்வம் 'யமராஜ்' காத்திருப்பார் என முதல்வர் கூறினார். சட்டம் ஒழுங்கைப் பாதுகாப்பதற்கான வலுவான சட்ட அமைப்பின் முக்கியத்துவத்தை ஆதித்யநாத் எடுத்துரைத்தார், மேலும் அமைப்பை சீர்குலைக்கும் வகையில் சட்டத்தை தவறாகப் பயன்படுத்த யாரும் அனுமதிக்கப்பட மாட்டார்கள் என்று வலியுறுத்தினார்.

உத்தரபிரதேசத்தில் ஆளும் பாஜக, ஆதித்யநாத் அரசின் சட்டம் ஒழுங்கை கையாண்டதை தனது சாதனைகளில் ஒன்றாக அடிக்கடி கூறிவருகிறது.

சிசிடிவி காட்சிகளில், 11 ஆம் வகுப்பு படிக்கும் மாணவியும், மற்றொரு சிறுமியும் சைக்கிளில் செல்வதைக் காணலாம், பின்னால் வேகமாக வந்த பைக் அவளை நெருங்குகிறது, மேலும் வண்டி ஒட்டி வந்தவர் அவளைக் கடந்து செல்லும்போது அவளுடைய துப்பட்டாவை இழுத்தார். நிலை தடுமார் தரையில் விழுந்த சிறுமி ம்மேது பின்னால் வந்த மற்றொரு வாகனம ஏறியது.

கைது செய்யப்பட்ட குற்றவாளிகள் சேபாஸ் மற்றும் துப்பட்டாவை இழுத்தது அவரது சகோதரர் அர்பாஸ் என அடையாளம் காணப்பட்டனர். மூன்றாவது குற்றவாளியான பைசல் சிறுமியின் மீது பைக்கை ஏற்றினார். குற்றம் சாட்டப்பட்ட சகோதரர்களுக்கும் பைசலுக்கும் ஏதேனும் தொடர்பு உள்ளதா என்பது இன்னும் கண்டறியப்படவில்லை என்று அதிகாரிகள் தெரிவித்தனர்.

அம்பேத்கர்நகர் காவல் கண்காணிப்பாளர் அஜித் சின்ஹா ​ கூறுகையில், "குற்றம் சாட்டப்பட்ட மூவரும் ஞாயிற்றுக்கிழமை மருத்துவப் பரிசோதனைக்காக மருத்துவமனைக்கு அழைத்துச் செல்லப்பட்டனர். மூவரும் வாகனத்தில் இருந்து குதித்தனர். அவர்கள் போலீஸ் துப்பாக்கியையும் பறித்து எங்களை நோக்கி துப்பாக்கியால் சுட்டனர். பதிலடித் துப்பாக்கிச் சூட்டில், குற்றம் சாட்டப்பட்டவர்களில் இருவரின் காலில் புல்லட் காயங்கள் ஏற்பட்டன, மூன்றாவது காலில் எலும்பு முறிவு ஏற்பட்டது. மூவரும் மருத்துவ சிகிச்சைக்காக மருத்துவமனையில் அனுமதிக்கப்பட்டுள்ளனர்," என்று அவர் மேலும் கூறினார்.

குற்றம் சாட்டப்பட்டவர்கள் மீது IPC பிரிவுகள் 302 (கொலை) மற்றும் 354 (ஒரு பெண்ணின் நாகரீகத்தை பாதிக்கும் வண்ணம் தாக்குதல்) மற்றும் POCSO (பாலியல் குற்றங்களிலிருந்து குழந்தைகளைப் பாதுகாத்தல்) சட்டத்தின் தொடர்புடைய பிரிவுகளின் கீழ் வழக்கு பதிவு செய்யப்பட்டுள்ளது.