டெல்லியில் கடும் பனி மூட்டம்:17 விமானங்கள் ரத்து

டெல்லியில் செவ்வாய்க்கிழமை குடியிருப்பாளர்கள் மீண்டும் அடர்த்தியான மூடுபனி மற்றும் எலும்பை உறைய வைக்கும் குளிரால் எழுந்தனர், இது விமானம் மற்றும் ரயில் நடவடிக்கைகளையும் பாதித்தது, ஆயிரக்கணக்கான பயணிகள் விமான நிலையம் மற்றும் ரயில் நிலையங்களில் மணிக்கணக்கில் காத்திருக்க வேண்டியிருந்தது.

டெல்லியின் இந்திரா காந்தி சர்வதேச விமான நிலையத்திலிருந்து புறப்படும் சுமார் 30 விமானங்கள் தாமதமானதாகவும், கடுமையான மூடுபனிக்கு மத்தியில் குறைந்த பார்வை காரணமாக 17 விமானங்கள் ரத்து செய்யப்பட்டதாகவும் இந்திய வானிலை ஆய்வு மையம் தெரிவித்துள்ளது.

வடக்கு மற்றும் வடகிழக்கு மாநிலங்களில் ஒரு மூடுபனி திட்டைக் காணலாம் என்றும், இந்த மாநிலங்களில் அமைந்துள்ள விமான நிலையங்களில் குறைந்த பார்வை பகுதிகள் பதிவாகியுள்ளது.

ஹரியானா, வடக்கு மத்தியப் பிரதேசம், உ.பி., பீகார் மற்றும் மேற்கு வங்கம் முழுவதும் பஞ்சாப் முதல் வடகிழக்கு இந்தியா வரை பனிமூட்டம் 0530 மணிக்கு காணப்படுகிறது. இணைக்கப்பட்ட செயற்கைக்கோள் படங்களில் காட்டப்பட்டுள்ளபடி இந்தியாவின் கிழக்கு கடற்கரையிலும் மூடுபனி திட்டுகள் காணப்படுவதாக இந்திய வானிலை ஆய்வு மையம் தெரிவித்துள்ளது.

நீண்ட தாமதம் மற்றும் விமானங்கள் ரத்து செய்யப்பட்டதால் பயணிகள் விமான நிலையத்தில் சிரமத்த்திற்கு உள்ளாகினர்.

இந்திரா காந்தி விமான நிலையத்தில் பயணி ஒருவர் கூறுகையில், நான் பயிணிக்க வேண்டிய விமானம் காலை 8:40 மணிக்கு புறப்பட இருந்தது. ஆனால் இப்போது அது காலை 10:30 மணிக்கு புறப்படுவதாக தெரிவிக்கப்பட்டுள்ளது. இதற்கு முக்கிய காரணம் வானிலை மற்றும் மூடுபனி தான் என தெரிவித்தார்.

டெல்லி விமான நிலையத்தில் மோசமான வானிலை காரணமாக நேற்று ஐந்து விமானங்கள் திருப்பி விடப்பட்டன. நூற்றுக்கும் மேற்பட்ட விமானங்கள் தாமதமாக வந்தன.

ரயில்கள் தாமதம்:

ராணி கமலாபதி - ஹஸ்ரத் நிஜாமுதீன் வந்தே பாரத் மற்றும் ஹவுரா-டெல்லி ராஜ்தானி எக்ஸ்பிரஸ் உள்ளிட்ட சுமார் 30 ரயில்கள் தேசிய தலைநகரை சூழ்ந்த அடர்த்தியான மூடுபனி மற்றும் குளிர் காரணமாக தாமதமாக இயக்கப்பட்டதால் பல பயணிகள் புது டெல்லி ரயில் நிலையத்தில் சிக்கித் தவித்தனர்.

குறைந்தபட்ச வெப்பநிலை செவ்வாய்க்கிழமை 5 டிகிரி செல்சியஸாகவும், திங்களன்று 3.3 டிகிரி செல்சியஸாகவும் குறைந்தது. செவ்வாய் மற்றும் புதன்கிழமைகளில் டெல்லி மீது இந்திய வானிலை ஆய்வு மையம் ஆரஞ்சு எச்சரிக்கை விடுத்துள்ளதால் அடுத்த சில நாட்களில் குளிர் அலைகள் மற்றும் மூடுபனி நிலவக்கூடும். டெல்லியில் நேற்று அதிகபட்சமாக 19.7 டிகிரி செல்சியஸ் வெப்பநிலை பதிவானது.

அடுத்த 48 மணி நேரத்தில் வானிலையில் குறிப்பிடத்தக்க மாற்றம் எதுவும் எதிர்பார்க்கப்படவில்லை என்று தெரிவித்துள்ளார்.

இந்திய வானிலை விஞ்ஞானி குல்தீப் ஸ்ரீவாஸ்தவா கூறுகையில், குளிர் அலை நிலைமைகள் தொடர ஆரஞ்சு எச்சரிக்கை விடுக்கப்பட்டுள்ளது. அதிகாலையில் அடர்த்தியான முதல் மிகவும் அடர்த்தியான மூடுபனியையும் நிலவி வருகிறது. இது விமானங்கள், ரயில்கள் மற்றும் சாலை பயணத்தை பாதிக்கும் என்று அவர் கூறினார்.

ராஜஸ்தானின் ஸ்ரீ கங்காநகர், பாட்டியாலா, அம்பாலா, சண்டிகர், பாலம், சஃப்தர்ஜங் (புது டெல்லி), பரேலி, லக்னோ, பஹ்ரைச், வாரணாசி, பிரயாகராஜ் மற்றும் தேஜ்பூர் ஆகிய இடங்களில் முதல் முறையாக பார்வைத்திறன் பூஜ்ஜியமாக பதிவாகியுள்ளது.