துருக்கியில் இருந்து திரும்பிய தேசிய பேரிடர் மீட்புப் படை இறுதிக்குழு

கடந்த பிப்ரவரி 6ம் தேதி துருக்கியின் தென்கிழக்கு மற்றும் அண்டை நாடான சிரியாவில் 7.8 ரிக்டர் அளவிலான நிலநடுக்கம் ஏற்பட்டது. இந்த நிலநடுக்கத்தில் 45,000 க்கும் மேற்பட்ட மக்கள் உயிரிழந்தனர். ஒரு மில்லியனுக்கும் அதிகமான மக்களை வீடுகளை இழந்து தவித்து வருகின்றனர். துருக்கி மற்றும் சிரியாவில் ஏற்பட்ட பேரழிவுகரமான நிலநடுக்கங்கள் மற்றும் பின் அதிர்வுகளுக்குப் பிறகு துருக்கி மற்றும் சிரியாவுக்கு உதவி செய்ய இந்தியா ஆபரேஷன் தோஸ்த் தொடங்கியது.

இந்த நடவடிக்கையின் ஒரு பகுதியாக இந்திய ராணுவத்துடன் இணைந்து சிரியா மற்றும் துருக்கி ஆகிய இரு நாடுகளுக்கும் இந்திய அரசு டன் கணக்கில் நிவாரணப் பொருட்களை அனுப்பியது. துருக்கி மற்றும் சிரியாவின் மிக மோசமான பாதிப்புக்குள்ளான பகுதிகளில் 250 ராணுவ வீரர்கள் நிறுத்தப்பட்டுள்ளனர்.

தேசிய பேரிடர் மீட்புப் படையின் மூன்று தன்னார்வக் குழுக்கள், 150க்கும் மேற்பட்ட சிறப்புப் பயிற்சி பெற்ற பணியாளர்கள், ராம்போ மற்றும் அவரது நண்பர்கள் (நாய்ப் படை), சிறப்பு வாகனங்கள் மற்றும் பிற பொருட்களுடன் துருக்கியை அடைந்தனர். 135 டன் எடையுள்ள சிறப்பு உபகரணங்கள் மற்றும் பிற நிவாரணப் பொருட்களும் துருக்கியை அடைந்தன.

கையடக்க ஈசிஜி இயந்திரங்கள், நோயாளி கண்காணிப்பாளர்கள் மற்றும் பிற அத்தியாவசிய மருத்துவப் பொருட்கள் உள்ளிட்ட அவசர மருந்துகள் மற்றும் உபகரணங்களை இந்தியா சிரியாவுக்கு அனுப்பியது. தேசிய பேரிடர் மீட்புப் படை குழுக்கள் காசியான்டெப்பில் மீட்பு நடவடிக்கைகளில் உதவி செய்தன, அதே நேரத்தில் மருத்துவ குழு இஸ்கெண்டெருனில் கள மருத்துவமனையை அமைத்தது.

துருக்கியின் ஹடேயில் உள்ள இஸ்கெண்டருனில் உள்ள இராணுவக் கள மருத்துவமனை, மருத்துவ, அறுவை சிகிச்சை மற்றும் அவசர வார்டுகளை இயக்குவதன் மூலம் செயல்படத் தொடங்கியது.

இந்த நிலையில், மீட்புப் பணிகள் முடிவடைந்ததாக துருக்கிய பேரிடர் மற்றும் அவசர மேலாண்மை பிரசிடென்சி (AFAD) அறிவித்ததை அடுத்து, ஆபரேஷன் தோஸ்ட்டின் கீழ் தேசிய பேரிடர் மீட்புப் படையின் (NDRF) இறுதிக் குழு துருக்கியில் இருந்து நாடு திரும்பியது.

ஆபரேஷன் தோஸ்ட்டின் கீழ் 151 தேசிய பேரிடர் மீட்புப் படை பணியாளர்கள் மற்றும் நாய் படைகள் கொண்ட 3 குழுக்கள் நிலநடுக்கத்தால் பாதிக்கப்பட்ட துருக்கிக்கு உதவிகளை வழங்கின.

இந்த குழுக்கள் நூர்தாகி மற்றும் அந்தகயாவின் 35 பணியிடங்களில் தேடுதல், மீட்பு மற்றும் உயிரைக் கண்டறிதல் உள்ளிட்ட நிவாரணப் பணிகளை மேற்கொண்டன. இந்த நிலையில், ஆபரேஷன் தோஸ்ட்டின் இறுதிக்குழு துர்கியேவில் இருந்து வீடு திரும்பியது.

தேசிய பேரிடர் மீட்புப் படை பணியாளர்கள் மற்றும் நாய் படைகள் நிலநடுக்கத்தால் பாதிக்கப்பட்ட துர்க்கியேக்கு உதவிகளை வழங்கினர். குழுக்கள் நூர்தாகி மற்றும் அந்தாக்யாவின் 35 பணியிடங்களில் தேடுதல், மீட்பு மற்றும் நிவாரணப் பணிகளை மேற்கொண்டதாக வெளியுறவு அமைச்சக செய்தித் தொடர்பாளர் அரிந்தம் பாக்சி ட்வீட் செய்துள்ளார்.

இதற்கிடையில், துருக்கி மற்றும் சிரியாவில் இம்மாத பேரழிவுகரமான நிலநடுக்கங்களுக்குப் பிறகு கிட்டத்தட்ட இரண்டு வாரங்களுக்குப் பிறகு பெரும்பாலான மாகாணங்களில் தேடல் மற்றும் மீட்பு நடவடிக்கைகள் முடிவடைந்துள்ளதாக துருக்கிய பேரிடர் மற்றும் அவசரநிலை மேலாண்மை பிரசிடென்சி தெரிவித்துள்ளது.