ஜோஷிமத்தில் இடிக்கும் பணி மீண்டும் துவக்கம்

உத்தரகாண்டின் 'மூழ்கிக் கொண்டிருக்கும்' நகரமான ஜோஷிமத்தில் இடிக்கும் பணி வியாழக்கிழமை மீண்டும் தொடங்கியது, எதிர்ப்பு தெரிவித்த உள்ளூர் மக்களால் நிறுத்தப்பட்ட ஒரு நாளுக்குப் பிறகு, ஹோட்டல் மலாரி விடுதியை இடிப்பதன் மூலம் இடிக்கும் பணி தொடங்கியது, கட்டடம் ஆழமான விரிசல்கள் காரணமாக பின்னோக்கி சாய்ந்ததால் பாதுகாப்பற்றதாகக் அறிவிக்கப்பட்டது

உத்தரகாண்ட் முதல்வர் புஸ்கர் தாமி புதன்கிழமை, வீடுகளை இழக்கும் குடும்பங்களுக்கு 1.5 லட்சம் ரூபாய் இழப்பீடு அறிவித்தார். மேலும், கூடுதல் உதவியாக ரூ.50,000 வழங்கப்படும் என தெரிவித்தார்

எதிர்ப்புகள் ஏன் நடக்கின்றன?

நகரத்தில் ஆபத்தான நிலையில் உள்ள இரண்டு ஹோட்டல்களை இடிக்க திட்டமிடப்பட்டதற்கு முன்னதாக செவ்வாய்க்கிழமை எதிர்ப்புகள் கிளம்பின. இடிக்கப்படும் கட்டடங்களுக்கு எவ்வாறு இழப்பீடு வழங்கப்படும் என்பது குறித்து தெளிவுபடுத்தப்படாத நிலையில், இடிப்பு நடவடிக்கைகளுக்கு எதிராக ஆர்ப்பாட்டக்காரர்கள் கோஷங்களை எழுப்பினர்.

பத்ரிநாத் தாம் மாஸ்டர் பிளானின்படி இழப்பீடு வழங்கக் கோரி ஹோட்டல்களை இடிக்கும் அரசின் நடவடிக்கைக்கு எதிராக ஹோட்டல் உரிமையாளர்கள் மற்றும் உள்ளூர்வாசிகள் போராட்டம் நடத்தினர்.

புதன்கிழமை போராட்டங்கள் தீவிரமடைந்ததால், இடிக்கும் பணிக்கு நிறுத்தப்பட்டது. போராட்டங்களைத் தொடர்ந்து, முதல்வர் தாமி ஜோஷிமத் வந்து, நிவாரண முகாம்களில் தங்கியுள்ள பல பாதிக்கப்பட்ட குடும்பங்களைச் சந்தித்தார். மேலும், போராட்டக்காரர்களுடனான சந்திப்பை நடத்திய அவர், நிலத்தடி வளர்ச்சிப் பணிகளை மேற்கொள்வதால் ஏற்படும் அபாயங்களை அதிகாரிகள் கண்டுகொள்ளவில்லை என்று கூறினார். பாதுகாப்பற்ற கட்டடங்களை இடித்தது போல், இழப்பீடு வழங்க வேண்டும் என, அப்பகுதி மக்கள் கோரிக்கை விடுத்துள்ளனர்.

தாமி சமீபத்தில் விரிசல் ஏற்பட்ட வீடுகளுக்குச் சென்று 'மூழ்கும்' நகரத்தில் இரவைக் கழித்தார்.

ஜோஷிமத் ஏன் மூழ்குகிறது?

நிபுணர்கள் குழு சமீபத்தில் நடத்திய ஒரு கணக்கெடுப்பில், குடியிருப்பாளர்களிடையே உள்ள அச்சம் உண்மை என்பதை வெளிப்படுத்தியது: நகரம் உண்மையில் அதன் அடிப்பகுதியில் மூழ்கி வருகிறது. ஜோஷிமத் மூழ்குவதற்கு முக்கிய காரணம் நகரத்தின் புவியியல் தொடர்பானது. நகரத்தின் உள்ள நிலசரிவின் காரணமாக ஏற்பட்ட மண் அமைப்பு குறைந்த தாங்கும் திறன் கொண்டவை என்பதால், அதிக கட்டுமானத்தை தாங்காது என வல்லுநர்கள் நீண்ட காலமாக எச்சரித்துள்ளனர்.

அதிகரித்த கட்டுமானம், நீர் மின் திட்டங்கள் மற்றும் தேசிய நெடுஞ்சாலையின் விரிவாக்கம் ஆகியவை பல ஆண்டுகளாக சரிவுகளை மிகவும் நிலையற்றதாக ஆக்கியுள்ளன.

விஷ்ணுபிரயாகில் இருந்து ஓடும் நீரோடைகள் காரணமாக ஏற்படும் அரிப்பு மற்றும் இயற்கை நீரோடைகள் ஆகியவை நகரத்தின் பேரழிவிற்கு பின்னால் உள்ள மற்ற காரணங்களாகும். இப்பகுதியில் உள்ள பாறைகள் மீது கற்பாறைகள், கினிசிக் பாறைகள் மற்றும் தளர்வான மண் ஆகிய பழைய நிலச்சரிவு குப்பைகளால் மூடப்பட்டுள்ளன