நாடாளுமன்றத்திற்குள் வெடிபொருளுடன் நுழைந்த மர்மநபர்கள், பரபரப்பு

நாடாளுமன்ற மக்களவை நடைபெற்று கொண்டிருந்தபோது பார்வையாளர் அரங்கில் இருந்து அத்துமீறி நுழைந்த 2 இளைஞர்கள், சர்ச்சைக்குரிய பொருளை வீசியதால் அங்கு புகை மண்டலம் எழுந்தது. இதனால் அங்கிருந்த உறுப்பினர்கள் அலறியடித்துக்கொண்டு வெளியே ஓடினர்.

அத்துமீறிய இருவரும் வண்ணத்தை உமிழும் பொருளை வைத்திருந்ததாக தகவல் வெளியாகி உள்ளது. வண்ணத்தை உமிழும் கண்ணீர் புகை குண்டுகளை வீசிய இருவரால் மக்களவையில் பரபரப்பு ஏற்பட்டது. தடை செய்யப்பட்ட பொருட்களுடன் மக்களவையில் நுழைய முயன்ற இருவரை தடுத்துநிறுத்தி காவல்துறையினர் கைது செய்தனர்.

கைது செய்யப்பட்டவர்களில் ஒருவர் ஆண், ஒருவர் பெண் எனவும் தெரியவந்துள்ளது. இந்த சம்பவத்தால் இரு அவைகளும் ஒத்திவைக்கப்பட்டன. நாடாளுமன்ற தாக்குதல் நினைவு தினமான இன்று நடந்த அத்துமீறல் சம்பவத்தால் பெரும் பரபரப்பு ஏற்பட்டுள்ளது.

இருவரும் கைது செய்யப்பட்டு காவல் நிலையத்தில் வைக்கப்பட்டுள்ளனர். இரண்டு ஆர்ப்பாட்டக்காரர்கள், ஒரு ஆண் மற்றும் ஒரு பெண், நாடாளுமன்றத்திற்கு வெளியே வண்ண புகையுடன் ஆர்ப்பாட்டத்தில் ஈடுபட்டபோது தடுத்து வைக்கப்பட்டுள்ளனர். இவர்கள் நான்கு பேரிடமும் விசாரணை நடத்தப்படும் என டெல்லி காவல்துறையினர் தெரிவித்தனர்.

2001 ஆம் ஆண்டு நாடாளுமன்றத் தாக்குதலின் ஆண்டு நினைவு நாளில் தற்செயலாக மக்களவையில் புதன்கிழமை பாதுகாப்பு மீறல் ஏற்பட்டது, அப்போது ஆயுதம் ஏந்திய பயங்கரவாதிகள் நாடாளுமன்ற கட்டிடத்திற்குள் நுழைந்தனர்.

பாதுகாப்புக் குளறுபடியால் மக்களவை ஒத்திவைக்கப்பட்டதையடுத்து, எம்.பி.க்கள் அவசரமாக வெளியேற்றப்பட்டனர்.

நாடாளுமன்றத்துக்கு வெளியே செய்தியாளர்களிடம் பேசிய எம்.பி.க்கள், லோக்சபாவிற்குள் ஏற்பட்ட குழப்பம் மற்றும் பீதியின் காட்சிகளை விவரித்தனர். உறுப்பினர்களின் கூற்றுப்படி, மக்களவைக்குள் புதன்கிழமை பிற்பகல் நடந்தது இதுதான்:

• பாஜக எம்பி கார்கன் முர்மு பேசும்போது பார்வையாளர்கள் கேலரியில் இருந்து ஒருவர் குதித்தார்
  
• அவர் முதலில் தடையில் இருந்து தொங்கினார், பின்னர் அனைத்து வழிகளிலும் ஓடினார்
• அவரைப் பின்தொடர்ந்து மற்றொருவர் கேலரியில் இருந்து குதித்தார்
• அவர்கள் இருவரும் சில எம்.பி.க்களால் தடுத்து நிறுத்தப்படும் முன்பு பெஞ்சில் இருந்து பெஞ்சிற்கு தாவினர்.
• அந்த நேரத்தில், அவர்கள் தங்கள் ஷூவில் இருந்து எதையோ வெளியே எடுப்பது போல் தோன்றியது மற்றும் அதிலிருந்து ஒரு வண்ணமயமான வாயு வெளிப்பட்டது
• இதனால் அமளி ஏற்பட்டு, எம்.பி.,க்கள் வெளியேறத் துவங்கினர்
• இதற்கிடையில், நாடாளுமன்ற பாதுகாலவர்கள் உள்ளே நுழைந்து இரண்டு நபர்களையும் தடுத்து நிறுத்தியது,

சில எம்.பி அலுவலகத்தால் கையொப்பமிடப்பட்ட பார்வையாளர்களின் அனுமதிச் சீட்டுகளைப் பயன்படுத்திக் கூறப்பட்ட நபர்கள் உள்ளே நுழைந்ததாகத் தெரிகிறது, அது இப்போது விசாரணைக்கு உட்படுத்தப்பட்டதுள்ளது .