செக்கச் சிவந்த பழம், அது தேனாட்டம் இனிக்கும் பழம்... - அது இலந்தை பழம்தானுங்க!

செக்கச் சிவந்த பழம், அது தேனாட்டம் இனிக்கும் பழம்... - அது இலந்தை பழம்தானுங்க!

jujube fruit in tamil- நாக்கில் சுவையூற வைக்கும் இலந்தைப்பழங்கள்.

jujube fruit in tamil- இலந்தை பழங்களின் அபார ருசி, அதை சுவைத்தவர்களுக்கே நன்கு தெரியும். அதில், ஏராளமான மருத்துவ குணங்களும் நிறைந்திருக்கின்றன.

jujube fruit in tamil- இலந்தைப் பழம் பார்க்கத்தான் சிறியது. ஆனால் அதில் இருக்கும் ஊட்டச்சத்துக்களோ மிக அதிகம். ஜீரண சக்தியை மேம்படுத்துவது தொடங்கி, ஆழ்ந்த தூக்கத்தைத் தருவது வரைக்கும் நிறைய நன்மைகளைச் செய்கிறது. இந்த இலந்தைப் பழத்தைச் சாப்பிட்டால் என்னென்ன நன்மைகளைப் பெற முடியும், எவ்வளவு சாப்பிடலாம் போன்ற விஷயங்களைப் பற்றித் தெரிந்து கொள்வோம்.


கோவிட்-19 போன்ற பெருந்தொற்று காலத்தில் உடலின் நோய் எதிர்ப்பு ஆற்றலை அதிகரிக்கச் செய்வது நல்லது. இயற்கையாக உடலில் நோய் எதிர்ப்பு மண்டலத்தைப் பலப்படுத்த யோகா, பிரணாயாமம் செய்வது வழக்கம். அதைத் தவிர சில உணவுகளின் மூலமாகவும் உடனடியாக நோயெதிர்ப்பு மண்டலத்தைப் பலப்படுத்த முடியும். அதில் ஒன்று தான் இலந்தைப் பழம். குறிப்பிட்ட சீசன்களில் மட்டும் கிடைக்கும் இந்த பழத்தை அந்த சமயங்களில் அதிகமாக எடுத்துக் கொண்டால், நிறைய நன்மைகளை உங்களுக்குத் தரும்.


​இலந்தைப் பழம்

கொஞ்சம் புளிப்பும் கொஞ்சம் இனிப்பும் கலந்த சுவையுடையது இலந்தைப் பழம். இந்தப் பழம் குளிர்காலங்களில் அதிகமாகக் கிடைக்கும்.

பழங்காலத்தில் நம்முடைய முன்னோர் இந்தப் பழம் கிடைக்கும் போது அந்த சீசனில் படிக்கணக்கில் வாங்கி, அதனுடன் மிளகாய், வெல்லம் சேர்த்து உரலில் போட்டு இடித்து, அந்த பழத்திலுள்ள ஈரப்பதம் போகும்வரை வெயிலில் உலர்த்தி எடுத்து வைத்துக் கொள்வார்கள். இது மாதக்கணக்கில் கெட்டுப் போகாமல் இருக்கும். ஏனென்றால அந்த பழத்தில் அவ்வளவு மகத்துவம் இருக்கிறது.

​ஊட்டச்சத்துக்கள்

இலந்தைப் பழத்தில் ஏராளமான ஊட்டச்சத்துக்கள் நிறைந்திருக்கின்றன. அவை, வைட்டமின் ஏ, வைட்டமின் சி, கால்சியம், பொட்டாசியம், இரும்புச்சத்து ஆகியவை நிறைந்திருக்கின்றன. அதோடு டயட்டிரி பைபர் என்னும் நார்ச்சத்து நிறைந்த பழம் இது. இதில் கிட்டத்தட்ட 18 அமினோ அமிலங்கள் நிறைந்திருக்கின்றன.


​நிம்மதியான தூக்கம்

சீன மருத்துவத்தில் தூக்கமின்மை பிரச்னைக்கான மருந்துகளில் இந்த இலந்தைப் பழத்தின் உட்பொருள்கள் சேர்க்கப்படுகின்றன. இலந்தைப் பழத்தில் சிறந்த அளவில் பிளவனாய்டுகள் இருக்கின்றன. அதேபோல, இதில இருக்கும் சப்போனின் இயற்கையாகவே தூக்கத்தைத் தூண்டி, நிம்மதியான தூக்கத்திற்கு வழிவகுக்கிறது. அதனால் மனம் அமைதி பெறுவதோடு நரம்பு மண்டலமும் அமைதியாக இருக்கும்.


மலச்சிக்கல் தீரும்

சமீபத்தில் வெளியான ஆய்வு ஒன்றில் இந்தியர்களில் கிட்டத்தட்ட 22 சதவீதம் பேர் மலச்சிக்கலால் அவதிப்படுகின்றனர் என்று தெரிய வந்துள்ளது. மலச்சிக்கல் பிரச்னை இருக்கிறது என்பதை வெளியில் சொல்ல பெரும்பாலானோர் கூச்சப்படுகின்றனர். இதை அப்படியே விட்டுவிட்டால் குடல் சம்பந்தப்பட்ட பிரச்னைகள் உண்டாகும். இந்த மலச்சிக்கல் பிரச்னைக்கு இலந்தைப்பழம் தீர்வாக இருக்கும்.

கிடைக்கும் நேரங்களில் ஒரு கைப்பிடி அளவுக்கு இலந்தைப் பழத்தைச் சாப்பிட்டு வந்தால் மலச்சிக்கல் பிரச்னை தீரும். இதிலுள்ள அதிக அளவிலான நார்ச்சத்து வயிற்றுப் பிரச்னைகளைச் சரிசெய்து ஜீரண சக்தியை அதிகரிக்கச் செய்யும்.

​நோய் எதிர்ப்பு ஆற்றல்

இலந்தைப் பழத்தில் அதிக அளவில் வைட்டமின் சி நிறைந்திருக்கிறது. அதோடு மொத்த அமினோ அமிலங்கள் 24 இல் 18 அமினோ அமிலங்கள் இலந்தைப் பழத்தில் உள்ளது. இது நோயெதிர்ப்பு மண்டலத்தைப் பலப்படுத்துகிறது. 100 கிராம் இலந்தைப் பழத்தில் கிட்டத்தட்ட 69 கிராம் அளவுக்கு வைட்டமின் சி இருக்கிறது. இது சருமத்தைப் பொலிவுடன் வைத்திருக்க உதவுகிறது. ஃப்ரீ - ரேடிக்கல்ஸை எதிர்த்துப் போராடுகிறது.


​உயர் ரத்த அழுத்தம்

இலந்தைப் பழத்தில் உப்பின் அளவு மிகக் குறைவு. குறைந்த சோடியமும் அதிக அளவு பொட்டாசியமும் நிறைந்திருக்கின்றன. பொட்டாசியம் ரத்தக் குழாய்களின் இறுக்கங்களைத் தளர்த்தி, இலகுவாக வைத்திருக்க உதவுகிறது. அதனால் ரத்த ஓட்டம் சீராக இருப்பதோடு, உயர் ரத்த அழுத்தமும் கட்டுக்குள் இருக்கும்.

​ரத்த ஓட்டம் சீராகும்

​இலந்தைப் பழத்திலுள்ள அதிக அளவிலான பாஸ்பரஸ் ரத்த ஓட்டத்தைச் சீராக்குகிறது. இரும்புச் சத்து குறைபாடு காரணமாக, அனீமியா போன்ற பிரச்னைகள் உண்டாகின்றன. அதன் காரணமாக உடல் சோர்வு, அஜீரணக் கோளாறு, தலைவலி போன்ற பிரச்னைகளை ஏற்படுத்தும்.

இந்த பிரச்னைகளைத் தீர்த்து ரத்த அணுக்களின் எண்ணிக்கை அதிகரிக்கச் செய்வதோடு, ரத்த ஓட்டத்தையும் சீராக வைத்திருக்க இலந்தைப் பழம உதவி செய்கிறது.


​எலும்புகள் உறுதியாகும்

​இலந்தைப் பழத்தில் கால்சியம், பாஸ்பரஸ் மற்றும் இரும்புச் சத்து அதிகமாக இருப்பதால் எலும்புகள் உறுதியடையும். ஆஸ்ட்டிரியாபொராசிஸ் போன்ற பிரச்னைகளால் அவதிப்படுகிறவர்கள் அடிக்கடி இலந்தைப் பழம் சாப்பிட்டு வந்தால் பிரச்னையானது கட்டுக்குள் வரும்.

Tags

Next Story