இதய ஆரோக்கியத்துக்கு சின்ன வெங்காயம் சாப்பிடுங்க...!

சின்ன வெங்காயத்தில் நம் உடல் ஆரோக்கியத்திற்கு தேவையான அனைத்து விதமான ஊட்டச்சத்துக்களும் காணப்படுகிறது. இதில் காணப்படும் ஆன்டி ஆக்ஸிடன்கள் இதய நோய்கள் மற்றும் அழற்சியை போக்குகிறது. எனவே, சின்ன வெங்காயத்தை தினசரி உணவில் சேர்த்து வரும் போது, உங்கள் உடல் ஆரோக்கியத்தை மேம்படுத்த முடியும்.

பொதுவாக இந்திய சமையல்களில் சின்ன வெங்காயம் என்பது மிக முக்கியமான பங்கு வகிக்கிறது. சின்ன வெங்காயம் மற்றும் பூண்டும் சேர்த்து செய்யப்படும் உணவுகள் ஏராளம். சின்ன வெங்காயத்தின் மருத்துவ நன்மைகளை கணக்கில் கொண்டு இதை நம் முன்னோர்கள் பாரம்பரியமாக பயன்படுத்தி வருகின்றனர். அதனால்தான், உலகளவில் வெங்காயம் சிறந்த ஆரோக்கியமான உணவு என்று கூறப்படுகிறது.

இந்த சின்ன வெங்காயத்தில் நிறைய நார்ச்சத்துக்கள், ஆன்டி ஆக்ஸிடன்கள் போன்ற சத்துக்கள் காணப்படுகிறது. ஒரு நாளைக்கு 100-150 கிராம் வரை சின்ன வெங்காயத்தை உணவில் சேர்ப்பது, நம் சருமம் மற்றும் ஆரோக்கியத்திற்கு மிகப்பெரிய அளவில் நன்மை அளிக்கிறது.

சின்ன வெங்காயத்தின் ஊட்டச்சத்து அளவுகள்

100 கிராம் நறுக்கிய வெங்காயத்தில் கலோரிகள் - 75

புரதம் - 2.5 கிராம்

கொழுப்பு - 0கிராம்

கார்போஹைட்ரேட்டுகள் - 17 கிராம்

நார்ச்சத்துக்கள் - 3 கிராம்

கால்சியம் - 3 சதவீதம் DV

இரும்புச் சத்து - 7 சதவீதம் DV

மக்னீசியம் - 5 சதவீதம்

பாஸ்பரஸ் - 5 சதவீதம் DV

பொட்டாசியம் - 7 சதவீதம் Dv

துத்தநாகம் - 4 சதவீதம் DV

போலேட் - 9 சதவீதம் DV

இதில் புரோட்டீன், நார்ச்சத்துக்கள், கால்சியம், இரும்புச்சத்து, மக்னீசியம், பாஸ்பரஸ், பொட்டாசியம், ஜிங்க், காப்பர், போலேட், வைட்டமின் பி, வைட்டமின் ஏ மற்றும் சி போன்ற ஊட்டச்சத்துக்கள் உள்ளன.

ஆன்டி ஆக்சிடண்ட்டுகள் நிறைந்த வெங்காயம்

சின்ன வெங்காயத்தில் அதிகளவு ஆன்டி ஆக்ஸிடன்கள் காணப்படுகிறது. இது ஆக்ஸினேற்ற அழுத்தத்தில் இருந்து நம் செல்களை பாதுகாக்கிறது. உடலில் ஏற்படும் அழற்சி க்கு எதிராக செயல்படுகிறது. இதில் 'குவர்செடின்' என்ற ஆன்டி ஆக்ஸிடன்கள் காணப்படுகிறது. இது அழற்சி எதிர்ப்பு தன்மை கொண்டுள்ளது. இதனால் இதய நோய்கள், புற்றுநோய்கள் மற்றும் நீரிழிவு நோய்களுக்கு எதிராக செயல்படுகிறது.

இதை அறிவியல் பூர்வமாக நிரூபிக்கும் வகையில் 11 வகையான வெங்காயங்களை பகுப்பாய்வு செய்தனர். அப்பொழுது வெங்காயத்தில், அதிக ஆன்டி ஆக்ஸிடன்கள் இருப்பது தெரிய வந்துள்ளது. எனவே, இரண்டாவது அதிக ஆன்டி ஆக்ஸிடன்கள் கொண்ட காய்கறியாக வெங்காயம் உள்ளது.

ஒவ்வாமை அறிகுறிகளை போக்கும்

நமக்கு எதாவது அழற்சி ஏற்படும் போது, அதை வெளிப்படுத்தும் விதமாக நம் உடலானது 'ஹிஸ்டமைன்' என்ற கெமிக்கல்களை வெளிப்படுத்தும். இந்த ஹிஸ்டமைன் கெமிக்கல் வெளிப்பட்டால் திசுக்களில் வீக்கம், கண்களில் நீர் வடிதல், அரிப்பு போன்ற அறிகுறிகள் ஏற்படுகிறது.

இதில் 'குவர்செடின்' என்ற தாவர பிளவனாய்டுகள் அதிகளவில் உள்ளது. இது சுவாச அறிகுறிகளைக் குறைக்க உதவுகிறது. மேலும் அழற்சிக்கு காரணமான 'ஹிஸ்டமைன்' வெளிப்பாட்டை குறைத்து ஒவ்வாமை, ஆஸ்துமா, மூச்சுக்குழாய் அழற்சி மற்றும் பருவகால ஒவ்வாமையை போக்க உதவுகிறது. 'குவர்செடின்' ஒரு ஆன்டி ஹிஸ்டமைன் மாதிரி செயல்படுகிறது. கண்கள், மூக்கு இவற்றில் ஏற்படும் ஒவ்வாமை அறிகுறிகளை போக்க உதவுகிறது.

ஆன்டி மைக்ரோபியல் தன்மை

வெங்காயத்தில் பாக்டீரியா எதிர்ப்பு, பூஞ்சை எதிர்ப்பு மற்றும் வைரஸ் எதிர்ப்பு பண்புகள் காணப்படுகிறது. இது சளி, காய்ச்சல் மற்றும் இருமல் போன்றவற்றிற்கு சிகிச்சை அளிக்க பயன்படுகிறது.

இதற்காக பருவ கால ஒவ்வாமை உடைய 16 பெரியவர்களிடம் 4 வாரங்கள் ஆய்வு மேற்கொள்ளப்பட்டது. இதில் 200mcg/mL அளவு கொடுத்த போது அதன் அறிகுறிகள் 62. 5% ஆக குறைக்கப்பட்டுள்ளது. இது தொண்டை புண் போன்ற அறிகுறிகளை குறைக்கவும் பயன்படுகிறது.

15 விநாடிகளுக்கு ஒரு முறை வாயை வெங்காய சாற்றில் கொப்பளிக்கும் போது பாக்டீரியாவை கொல்லும் கிருமி நாசினியாக செயல்படுகிறது.

இதய ஆரோக்கியம், இரத்த ஓட்டத்தை அதிகரிக்கும் வெங்காயம்

சின்ன வெங்காயத்தில் உள்ள ஆன்டி ஆக்ஸிடன்கள் இதய ஆரோக்கியம் மற்றும் இரத்த ஓட்டத்தை அதிகரிக்கிறது. இதய நோய் அபாயத்தை குறைக்கும் ஆன்டி ஆக்ஸிடன்கள் காணப்படுகிறது. வெங்காயத்தில் உள்ள 'தியோசல்பினேட்டு'கள் ஆபத்தான கட்டிகள் உருவாகுவதை தடுக்கிறது.

இதிலுள்ள அல்லிசின் நைட்ரிக் ஆக்சைடை வெளியிடுவதன் மூலம் இரத்த நாளங்களின் விறைப்பைக் குறைத்து இரத்த அழுத்தத்தை குறைக்கிறது. இதய நோய் அபாயத்தை அதிகரிக்கவும், இரத்தத்தில் உள்ள கொழுப்பின் அளவைக் குறைக்கவும் உதவுகிறது.

தயிருடன் வெங்காயம் சேர்த்து சாப்பிட்டு வரும் போது கெட்ட கொலஸ்ட்ரால் அளவுகள் குறைகின்றன. பெருந்தமனி தடிப்புத் தோல் அழற்சியில் இருந்து இதயத்தை காக்கிறது.

சின்ன வெங்காயத்தை உணவில் எப்படி சேர்க்கலாம்

குழம்பு, காய்கறிகள், டோபு, இறைச்சி, ப்ரை, சூப், சாலட், பாஸ்தா, சாஸ் மற்றும் பீட்சா போன்ற எல்லா வகை உணவிலும் சின்ன வெங்காயத்தைச் சேர்த்துக் கொள்ளலாம்.

தினமும் 2 சின்ன வெங்காயத்தை பச்சையாக சாப்பிட்டு வரலாம். இது ரத்தத்தில் உள்ள கொலஸ்டிராலின் அளவைக் குறைக்க பெரிதும் உதவி செய்யும். தயிர் பச்சடிகளில் பெரிய வெங்காயத்திற்கு பதிலாக சின்ன வெங்காயத்தைப் பொடியாக நறுக்கி சேர்த்துக் கொள்ளலாம்.