மார்பகத்திலே கட்டி போன்ற அறிகுறி இருக்குதா?...டாக்டரிடம் காண்பியுங்க...

Breast Cancer Symptoms In Tamil

மனிதர்களுடைய வாழ்க்கையில் நோயின்றி யாராலும் வாழ முடியுமா? ...தற்போதைய வாழ்க்கை முறையில் மிகவும் கடினம். நோயைக் குறைத்துக்கொண்டு வேண்டுமானால் வாழலாம். காரணம் வாழ்க்கை முறை மாற்றங்கள், நாம் சாப்பிடும் சாப்பாடே விஷமாக மாறி வருகிறது என்பதே உண்மை. என்னங்க இப்படி சொல்லிப்புட்டீங்கன்னு கேட்கறீங்களா....

ஆமாங்க..ஆமா... அந்த காலத்தில இயற்கை உரங்களைப் போட்டு விளைவித்த நெல் மற்றும் உள்ள பயிர் வகைகளில் விளைந்த தானியங்களை அன்று நாம் சாப்பிட்டதால் எந்த நோயும் வரவில்லை . உடல் ஆரோக்யமும் நன்றாகவே இருந்தது. காலப்போக்கில் தொழில் நுட்பங்கள் வளர வளர ரசாயன உரங்களின் ஆதிக்கம், மெஷின்களின் பயன்பாடு , கலப்பின வகைகளின் அறிமுகம் என உட்புகுந்ததால் இன்றளவில் நம் ஆரோக்யமானது கேள்விக்குறியாக உள்ளது.எனவே நாம் இன்று பார்த்து பார்த்து தான் சாப்பிட வேண்டிஉள்ளது என்பதே நிதர்சனமான உண்மை.

Breast Cancer Symptoms In Tamil

எனவே இன்று நோய்கள் வரிசை கட்டி வரவேற்கின்றன. சாப்பாடு போல் மாத்திரைகளை பலர் சாப்பிடுகின்றனர். ஒரு உடம்பில் எத்தனை நோய்ங்க போங்க... எனவே அனைவருக்கும் ஒன்று தெரியப்படுத்துவது என்னவெனில் உங்கள் உடம்பில் வழக்கமான நடைமுறையில் இருந்து எந்த ஒரு மாற்றத்தை நீங்கள் உணர்ந்தாலும் உடனடியாக டாக்டர்கிட்ட போங்க செக் அப் பண்ணுங்க... அப்போதுதான் உடனே ரிசல்ட் தெரியும்... முற்றவிட்டு விட்டு அப்புறம் போய் கொஞ்சம் கூட பிரயோஜனப்படாதுங்க... அதுபோலதான் இந்த மார்பக புற்று நோய். பெண்களுக்கு தங்களுடைய மார்பகத்தில சிறிய கட்டிபோல உருவாகும்...அப்போதே உங்களுக்கு இந்த மாற்றத்தின் அறிகுறி தெரியும்... நீங்கள் உடனே டாக்டரைப் பார்த்தா தப்பிச்சிக்கலாம்... பார்க்கிறீங்களா...மேலும் படிங்க... எந்தவொரு நோயையும் ஆரம்பத்திலேயே இனங்கண்டால் குணப்படுத்திவிடலாம் நிச்சயமாக.....

மார்பகபுற்று நோய் என்றால் என்ன?....

மார்பக திசுக்களில் உருவாகும் ஒரு வகையான புற்றுநோயே மார்பகப் புற்றுநோய். பெண்களில் அதிகம் காணப்படும் புற்றுநோய்களில் இதுவும் ஒன்று. பொதுவாக, பால் சுரக்கும் குழாய்கள் அல்லது அவற்றைச் சூழ்ந்திருக்கும் நுண்ணறைகளில் இந்தப் புற்றுநோய் தோன்றுகிறது. ஆரம்ப காலத்தில் அறிகுறிகள் தெளிவாகத் தோன்றாமல் இருப்பதால், பெண்கள் விழிப்புடன் இருப்பது அவசியம்.

Breast Cancer Symptoms In Tamil

புற்றுநோய் குணப்படுத்த முடியுமா?

ஆரம்ப கட்டத்திலேயே கண்டறியப்பட்டு சிகிச்சை மேற்கொள்ளப்பட்டால், மார்பகப் புற்றுநோயிலிருந்து குணமடைவதற்கான வாய்ப்புகள் அதிகம். நவீன மருத்துவ முறைகள் வளர்ச்சியடைந்து வருவதால், மேம்பட்ட சிகிச்சை அளிக்க முடிகிறது. எனினும், நோய் தாக்கத்தின் தீவிரத்தைப் பொறுத்து சிகிச்சை முறைகள் மாறுபடலாம்.

மார்பகப் புற்றுநோயின் அறிகுறிகள் என்ன?

மார்பகத்தில் கட்டி: மார்பகத்தில் விறைத்த கட்டி ஒன்று இருப்பது மார்பகப் புற்றுநோயின் முக்கிய அறிகுறி. இந்தக் கட்டி வலி தருவதாகவோ இல்லாமலோ இருக்கலாம். மாதவிடாய் சுழற்சியின் போது மார்பகங்களில் ஏற்படும் மாற்றங்களைப் புரிந்து கொள்வது அவசியம். ஏனெனில், மாதவிடாய் சமயத்தில் மார்பகங்கள் வீக்கமடையலாம். எனினும், கட்டி இருந்தால் அது நிலையானதாக இருக்கும்.

மார்பக தோற்றத்தில் மாற்றம்: மார்பகத்தின் அளவு, வடிவம் ஆகியவற்றில் ஏற்படும் மாற்றங்களையும் கவனிக்க வேண்டும். ஒரு மார்பகம் மற்றொரு மார்பகத்தை விட பெரிதாகவோ அல்லது சிறிதாகவோ இருப்பது, மார்பக தோலில் குழி விழுவது போன்ற மாற்றங்கள் இருந்தால் மருத்துவரை அணுக வேண்டும்.

மார்பககாம்பில் மாற்றம்: மார்பகக்காம்பு உள்ளுக்குத் தள்ளுவது அல்லது மார்பகக்காம்பிலிருந்து ரத்தக் கசிவு அல்லது நீர்க்கசிவு ஏற்படுவது ஆகியவையும் அறிகுறிகளாக இருக்கலாம்.

Breast Cancer Symptoms In Tamil

அக்குள் பகுதியில் கட்டி: மார்பகப் புற்று செல்கள் அக்குள் பகுதி நிணநீர் கணுக்களுக்கும் பரவக்கூடும். இதன் காரணமாக அக்குள் பகுதியில் கட்டி இருப்பது போன்றும் தோன்றலாம்.

ஆரம்ப கட்ட சிகிச்சையின் முக்கியத்துவம்

மார்பகப் புற்றுநோயைக் குணப்படுத்த ஆரம்ப கட்டத்திலேயே கண்டறிந்து சிகிச்சை பெறுவது அவசியம். ஆரம்ப கட்டத்தில் கண்டறியப்பட்டால் குணமடைவதற்கான வாய்ப்புகள் 90 சதவீதத்திற்கும் அதிகமாக இருக்கும். எனவே, மாதம் ஒருமுறை சுய பரிசோதனை செய்து உங்கள் மார்பகங்களில் ஏதேனும் மாற்றங்கள் இருப்பதை கவனித்தால், உடனடியாக மருத்துவரை அணுக வேண்டும்.

புற்றுநோய் ஒரு மரபுரிமை நோயா?

மார்பகப் புற்றுநோய்க்கு பல காரணிகள் உள்ளன. எனினும், குடும்பத்தில் நெருங்கிய ரத்த உறவினர்களுக்கு (தாய், சகோதரி, மகள்) மார்பகப் புற்றுநோய் இருந்தால், உங்களுக்கும் அந்த நோய் வருவதற்கான வாய்ப்புகள் சற்றே அதிகம். குறிப்பாக, BRCA1 மற்றும் BRCA2 மரபணுக்களில் ஏற்படும் மாற்றம் மார்பகப் புற்றுநோயின் அபாயத்தை அதிகரிக்கிறது. எனவே, அந்த மரபணு மாற்றம் உங்களுடைய குடும்பத்தில் உள்ளதா என்பதைக் கண்டறிய மரபணு பரிசோதனை செய்து கொள்ளலாம். இந்தத் தகவல் உங்களுக்கு மார்பகப் புற்றுநோய் வருவதற்கான அதிக ஆபத்து உள்ளதா என்பதை உணர்த்தும். மருத்துவரின் ஆலோசனையோடு அதிக கவனத்துடன் விழிப்போடு இருக்க உதவும்.

Breast Cancer Symptoms In Tamil

பிற அறிகுறிகள் & அவசியமான கவனம்

மார்பகப் புற்றுநோயின் சில பொதுவற்ற அறிகுறிகளையும் நாம் கவனத்தில் கொள்ள வேண்டும். அவையாவன:

எடை இழப்பு: எந்த காரணமுமின்றி எடை குறைவது புற்றுநோயின் அறிகுறியாக இருக்கலாம்.

தொடர்ச்சியான சோர்வு: அன்றாட நடவடிக்கைகளைச் செய்வது சிரமமாக இருப்பது மற்றும் தொடர்ச்சியான உடல் சோர்வு இருந்தால் மருத்துவரிடம் பரிசோதனை செய்வது நல்லது.

தோல் மாற்றங்கள்: மார்பகத் தோல் சிவந்து, தடித்து காணப்படுவது அல்லது ஆரஞ்சு தோல் போல் மாற்றம் ஏற்படுவதும் அறிகுறிகளாக இருக்கலாம்.

கவனக்குறைவின் விளைவுகள்

ஏதேனும் ஒரு சிறிய அறிகுறி தோன்றினாலும் அதை அலட்சியப்படுத்தாமல், உடனடியாக மருத்துவரிடம் செல்வதே சரியான அணுகுமுறை. அலட்சியத்தின் விளைவாகப் புற்றுநோய் முற்றிய நிலையை எட்டிவிட்டால், சிகிச்சை முறைகள் சிக்கலாகும். மேலும், செலவுகளும் அதிகரிக்கும். உடல் மற்றும் மன ரீதியான பாதிப்பும் அதிக அளவில் ஏற்படும்.

Breast Cancer Symptoms In Tamil

சுய பரிசோதனையின் அவசியம்

மார்பகப் புற்றுநோயை ஆரம்ப காலத்திலேயே அடையாளம் காண உதவுவதில் சுய பரிசோதனை முக்கியப் பங்கு வகிக்கிறது. ஒவ்வொரு மாதமும் ஒரு குறிப்பிட்ட நாளில், மாதவிடாய் சுழற்சி முடிந்த சில நாட்களுக்குப் பிறகு, நீங்களே மார்பகங்களைப் பரிசோதித்து எந்த கட்டி, வீக்கம், மாற்றங்கள் ஏற்படுகின்றன என்பதை விரல்களால் அழுத்தி உணரலாம். இவ்வாறு பரிசோதனை செய்யும்போது கண்ணாடியின் முன் நின்றுகொண்டு கைகளை உயர்த்தியும் கீழே இறக்கியும் பல்வேறு கோணங்களில் மார்பகத்தின் தோற்றத்தைக் கவனிக்க வேண்டும்.

நிபுணத்துவம் வாய்ந்த சிகிச்சை

பல்வேறு வயதுடைய பெண்களுக்கு மார்பக சுகாதாரம் மற்றும் மார்பக புற்றுநோய் சிகிச்சை தொடர்பான நிபுணத்துவம் பெற்ற மருத்துவர்கள் உதவுவார்கள். மார்பகப் புற்றுநோயை குணமாக்க மருத்துவர்கள் கீழ்க்கண்ட சிகிச்சை முறைகளை பரிந்துரைக்கலாம்:

Breast Cancer Symptoms In Tamil

அறுவை சிகிச்சை: புற்றுநோய் கட்டி மற்றும் அதை சுற்றியுள்ள சில ஆரோக்கியமான திசுக்களை அகற்றுவதற்கு.

கதிர்வீச்சு சிகிச்சை: உயர் ஆற்றல் கொண்ட கதிர்வீச்சு முறையில் புற்றுநோய் செல்களை அழிப்பது.

வேதிச்சிகிச்சை (Chemotherapy): புற்றுநோய் செல்களைக் கொல்ல மருந்துகளைப் பயன்படுத்துவது.

இயக்குநீர் சிகிச்சை (Hormone Therapy): புற்று செல்களின் வளர்ச்சியைத் தடுக்க ஹார்மோன்களைப் பயன்படுத்துவது.

மார்பகப் புற்றுநோய் பற்றிய விழிப்புணர்வு என்பது அத்தியாவசியமான ஒன்று. உங்கள் மார்பகங்களில் ஏற்படும் மாற்றங்களைக் குறித்து நீங்கள் எச்சரிக்கையாக இருக்க வேண்டும். இதனால், ஆரம்ப கட்டத்திலேயே இந்நோயைக் கண்டறிந்து சிகிச்சை பெற்று குணமடையலாம். மார்பகப் புற்றுநோய்த் தடுப்பு மற்றும் உரிய சிகிச்சை குறித்த தகவல்களைத் தருவதில் மருத்துவர்கள், சமூக சுகாதார அமைப்புகள் போன்றவை முக்கிய பங்கு வகிக்கின்றன.