மோட்டார் திருட முயன்ற மூவர் -விவசாயிகளிடம் சிக்கியதால் மோட்டார் திருட முயன்ற திட்டம் தோல்வி!

அந்தியூரில் மோட்டார் திருட முயன்ற மூவர் கைது – விவசாயியின் கண்காணிப்பில் திருட்டு திட்டம் தோல்வி :

அந்தியூர் அருகே புதுப்பாளையம் ஏரி தோட்டத்தை சேர்ந்த விவசாயி அருள் (வயது 40), தனது தோட்டக் கிணற்றருகே சந்தேகத்துக்கிடமாக நிறுத்தப்பட்ட பைக்கை பார்த்து அருகில் சென்று பார்த்தார். அப்போது இரண்டு பேர் மோட்டார் அறையில் இருந்த பழைய மோட்டார், ஸ்டார்டர், மோட்டார் பம்ப் ஆகியவற்றை திருட முயன்றது தெரியவந்தது.

அருள் சத்தமிடவே இருவரும் தப்பி ஓடினர். இதில் ஒருவரான பிரதீப் (26), வெள்ளைப்பிள்ளையார் கோவில் பகுதியை சேர்ந்தவர், பிடிபட்டு அந்தியூர் போலீசாரிடம் ஒப்படைக்கப்பட்டார். விசாரணையில், அவருடன் யுவராஜ் (39, தேர்வீதி, அந்தியூர்) எனும் ஒருவர் இருந்தது தெரியவந்தது.

இதையடுத்து, யுவராஜையும் போலீசார் கைது செய்தனர். தொடர்ந்து, இந்த இருவருடன் கேரளாவைச் சேர்ந்த மனோஜ் (39) என்பவரும் வேறு மோட்டார் திருட்டு வழக்கில் தொடர்புடையவர் என்பதும் தெரியவந்தது.

மூவரும் பவானி நீதிமன்றத்தில் ஆஜர்படுத்தப்பட்டு, சிறையில் அடைக்கப்பட்டனர். இந்த சம்பவம் அந்தியூர் பகுதியை கலக்கியது.