சீதா-ராமர் திருக்கல்யாண உற்சவம்

சீதா திருக்கல்யாண உற்சவம் திரளான பக்தர்கள் தரிசனம்

சேலம் மாவட்டம் செவ்வாய்ப்பேட்டையில் அமைந்துள்ள வாசவி கன்னிகா பரமேஸ்வரி அம்மன் தேவஸ்தானத்தின் சார்பில், 97வது ராமநவமி உற்சவம் கடந்த ஏப்ரல் 6ஆம் தேதி கோலாகலமாக தொடங்கியது. விழாவின் முக்கிய நிகழ்வுகள் வாசவி கல்யாண மண்டபத்தில் நாள்தோறும் நடைபெற்று வந்தன. நேற்று காலை 'அஸ்வ பூஜை' விமர்சையாக நடத்தப்பட்டது. அதனைத் தொடர்ந்து, புஷ்ப பல்லக்கில் ராகவனுடன் வைதேகியின் பவனி ஊர்வலம் பக்தர்களை மனமுருகச் செய்தது.

மதிய வேளையில் திருமாங்கல்ய யாக பூஜையுடன் சீதா திருக்கல்யாணம் பூர்வீக முறைகளுடன் நடத்தப்பட்டது. இதில் ஏராளமான பக்தர்கள் பங்கேற்று தரிசனம் செய்தனர். பின்னர் மாலை மாற்றுதல், பூப்பந்தாட்டம், தேங்காய் உருட்டுதல் போன்ற வைபவங்கள் மகிளா சமாஜ குழுவினரால் சிறப்பாக நடத்தப்பட்டன. அதனைத் தொடர்ந்து, தம்பதிச் சுவரூபத்தில் சீதா-ராமச்சந்திர மூர்த்திகள் ஊஞ்சலில் எழுந்தருள, ஊஞ்சல் உற்சவம் மிகுந்த பக்தி பரவலுடன் நடைபெற்றது.

பின்னர், பக்தர்களின் பஜனை பாடல்களும், திருவீதி உலாவும் நடந்து திருக்கல்யாண உற்சவம் மகிழ்வுடன் நிறைவு பெற்றது. இன்று (ஏப்ரல் 11) 108 சங்கு பூஜை நடைபெறவுள்ளது. இதனையடுத்து ஏப்ரல் 15ஆம் தேதி அனுமனும் லட்சுமணருடன் சீதா-ராமர் திருவீதி உலா, 16ஆம் தேதி ஆஞ்சநேயர் உற்சவம், 19ஆம் தேதி ஊஞ்சல் உற்சவத்துடன் ராமநவமி விழா சிறப்பாக நிறைவு பெற உள்ளது.