இரண்டு ஆண்டுகளுக்குப் பின் பள்ளத்து கருப்பனார் திருவிழா இன்று ஆரம்பம்

இரண்டு ஆண்டுகளுக்கு பிறகு இன்று நடைபெறும் பள்ளத்து கருப்பனார் கோவில் திருவிழா 

ராசிபுரம் அருகே பட்டணம் டவுன் பஞ்சாயத்து பகுதியில் அமைந்துள்ள பள்ளத்து கருப்பனார் கோவில், பக்தர்களிடையே பேரபிமானம் பெற்றது. இந்த கோவிலில் திருவிழா இரண்டு ஆண்டுகளுக்கு ஒரு முறை நடைபெறும் பாரம்பரியம் கொண்டது. கடைசியாக 2023ஆம் ஆண்டு சித்திரை மாதத்தில் விழா நடைபெற்றது. அதன் பின்னர், இன்றுதான் மீண்டும் திருவிழா சிறப்பாக நடைபெற உள்ளது.

இந்த கோவிலில் வழக்கமான கருவறை இல்லாமல், மரத்தடியில் வேல் கம்பும் மணி அணிவகுப்பும் தரையில் அமைக்கப்பட்டு, அதற்கே பக்தர்கள் வழிபாடு செய்கின்றனர். திருவிழா நடைபெறும் நாளில் மட்டும், மணிகள் அடிக்கப்பட்டு, தீபாராதனையுடன் சுவாமிக்கு சிறப்பு பூஜை செய்யப்படும். பிற விசேஷ நாட்களில், சுவாமி அலங்கரிக்கப்படுகிறார், மலர்களால் புஷ்போபச்சாரம் செய்யப்பட்டு, பக்தர்களுக்கு தரிசனமாக வைக்கப்படுகிறார்.

விழா நாட்களில் பக்தர்கள் “சூடம் ஏற்றி” கருப்பனாரை வழிபடுவது வழக்கம். மேலும், விழாவன்று மட்டும் கோவில் வளாகத்தில் கிடா வெட்டும் நடைமுறை உள்ளது. மற்ற நாட்களில் கிடா வெட்ட வேண்டுமானால், தீர்த்தம் வாங்கி சென்று வீடுகளில் செய்யும் வழக்கம் நிலவுகிறது. இந்த திருவிழாவிற்காக, தமிழ்நாட்டின் பல்வேறு மாவட்டங்களிலிருந்து ஆயிரக்கணக்கான பக்தர்கள் திரளாகக் கூடி, உற்சாகத்துடன் தங்களது கிடாக்களை பலியாகக் கொடுத்து வழிபடுகின்றனர்.