பத்தாம் வகுப்பு தேர்வு முடிவால் மாணவர்கள் உற்சாகம்

தமிழகத்தில் பத்தாம் வகுப்பு பொதுத்தேர்வு கடந்த மார்ச் 28ஆம் தேதி துவங்கி, இறுதியாக நேற்று நடைபெற்ற சமூக அறிவியல் தேர்வுடன் வெற்றிகரமாக முடிவடைந்தது. ஈரோடு மாவட்டம் முழுவதும் 117 தேர்வு மையங்களில் இந்தத் தேர்வுகள் நடைபெற்று வந்தன.

இறுதி தேர்வை முடித்த மாணவ, மாணவிகள் தேர்வு மையத்திலிருந்து வெளியே வந்ததும்,  மகிழ்ச்சியுடன் உற்சாகமாக கொண்டாடினர். சிலர் நோட்டு பேப்பர்களை கிழித்து வீசினர்; இன்னொருபக்கம் பேனாவிலுள்ள இங்க்கை ஒருவரின் மீது ஒருவர் தெளித்து மகிழ்ந்தனர். மேலும், பல வண்ண பொடிகளை ஒருவருக்கொருவர் முகத்தில் பூசி, தேர்வு முடிந்ததற்கான சந்தோஷத்தை வெளிப்படுத்தினர்.

தேர்வு விடைத்தாள்கள் திருத்தும் பணிகள் தற்போது தீவிரமாக நடந்து வருகின்றன. இவை திண்டல் வேளாளர் மகளிர் கல்லூரி மற்றும் கோபி வைரவிழா மேல்நிலை பள்ளியில் நடைபெறுகிறது. ஒரே மாவட்டத்தின் விடைத்தாள் மற்ற மாவட்டத்துக்கு அனுப்பப்படுவதும், அதேபோல் பிற மாவட்டங்களின் விடைத்தாள் ஈரோடு மாவட்டத்திற்கு வருவதும் நடைபெறுகின்றது.

தேர்வுகள் எந்தவித சிக்கலுமின்றி அமைதியாக நடைபெற்றதால், பள்ளிக் கல்வித் துறை அதிகாரிகள் மற்றும் ஆசிரியர்கள் பெரிதும் நிம்மதி பெற்றுள்ளனர்.