சிறுவர்களுக்கான சிறப்பு பயிற்சி முகாம்

உலக ஓவிய தினத்தை முன்னிட்டு, கலை மற்றும் பண்பாட்டு துறையின் கீழ் செயல்படும் ஜவகர் சிறுவர் மன்றத்தின் ஏற்பாட்டில் ஓவியக் கலையை ஊக்குவிக்கும் நோக்கில் சிறப்பு பயிற்சி முகாமும், ஓவியக் கண்காட்சியும் ஏற்பாடு செய்யப்பட்டுள்ளது.

இம்முகாம்கள் கீழ்க்கண்ட இடங்களில் நடைபெறவுள்ளன:

🔹 19ம் தேதி – கோபி டயமண்ட் ஜூபிளி ப்ரைமரி உதவிபெறும் பள்ளி

🔹 20ம் தேதி – பவானிசாலை, பி.பெ.அக்ரஹாரம் மாவட்ட அரசு இசைப்பள்ளி

இரண்டு நாள்களிலும் நிகழ்வுகள் காலை 10:00 மணி முதல் மாலை 4:00 மணி வரை நடைபெறவுள்ளன.

பயிற்சி முகாமில் மரபு சார்ந்த ஓவியங்கள், துணி ஓவியம், கண்ணாடி ஓவியம், பேப்பர், பானை மற்றும் மர ஓவியங்கள், வாட்டர் கலர், உலரா மெழுகு ஓவியங்கள், பென்சில் ஓவியங்கள் என பல்வேறு வகையான கலை வடிவங்கள் இடம் பெறுகின்றன.

ஈரோடு மாவட்டத்தை சேர்ந்த 5 முதல் 16 வயதுக்குள் உள்ள சிறார்கள் இதில் பங்கேற்கலாம். ஆர்வமுள்ளோர் மேலதிக தகவலுக்கு ஜவகர் சிறுவர் மன்ற திட்ட அலுவலரை 99946 61754 என்ற எண்ணில் தொடர்புகொள்ளலாம்.

இந்த நிகழ்வு, சிறார்களின் கலை திறனை வளர்க்கும் ஒரு அரிய வாய்ப்பாக அமைந்துள்ளது.