சாய்பாபா பாதுகைக்கு கோலாகல வரவேற்பு

புளியம்பட்டியில் சீரடி சாய்பாபாவின் பாதுகைக்கு பக்தர்கள் உளமார்ந்த வரவேற்பு

சீரடியைச் சேர்ந்த சாய்பாபாவின் புனித பாதுகை, பல்வேறு மாநிலங்களில் உள்ள பக்தர்களுக்கு தரிசனம் செய்யும் வகையில் சுற்றுப் பயணமாக கொண்டு செல்லப்படுகிறது. அதன் ஒரு பகுதியாக, புன்செய்புளியம்பட்டி அருகிலுள்ள தென் சீரடி சக்தி சாய்ராம் தர்மஸ்தலாவுக்கு இப்பாதுகை நேற்று சிறப்பு ஏற்பாடுகளுடன் கொண்டு வரப்பட்டது.

டானா புதூர் முத்து மாரியம்மன் கோவில் அருகே, சிறப்பு வாகனத்தில் வந்த பாதுகையை திரளான பக்தர்கள் வரவேற்புடன் எதிர்கொண்டு, பஜனை குழுக்களுடன், சாரட் வண்டியில் ஊர்வலமாக சாய்ராம் தர்மஸ்தலா வரை அழைத்துச் சென்றனர். இந்த நிகழ்வு பக்தி, இசை, மகிழ்ச்சி நிரம்பியதொரு ஆன்மிக பேரணியாக அமைந்தது.

(ஏப்ரல் 24) காலை 6:30 மணி முதல் இரவு 9:00 மணி வரை, பக்தர்கள் பாதுகையை தரிசிக்க ஏற்பாடுகள் செய்யப்பட்டுள்ளன. பக்தர்கள் அதிக எண்ணிக்கையில் வருவார்கள் என எதிர்பார்க்கப்படுகிறது.