உலக அளவில் முட்டை உற்பத்தி; மூன்றாவது இடத்தில் இந்தியா

பரீட்சையில் முட்டை வாங்கியதற்காக, மாணவர்கள் திட்டு வாங்கிய காலம் அன்று; ஆனால், முட்டை உற்பத்தியில் உலக அளவில் மூன்றாமிடம் என்று பெருமிதப்படும் காலம் இன்றாகி விட்டது.  

உலக அளவில் முட்டை உற்பத்தியில் 3வது பெரிய நாடாக இந்தியா முன்னேறியுள்ளது. இதுகுறித்து செய்யப்பட்ட ஆய்வுகளின் அடிப்படையில்,  நாடு முழுவதும் உற்பத்தி செய்யப்பட்ட முட்டைகளின் எண்ணிக்கை 2020-21 காலகட்டத்தில் 12 ஆயிரத்து 211 கோடியாக (122.11 பில்லியன்) அதிகரித்துள்ளது.

1950-51 காலகட்டத்தில் இந்தியாவின் ஒட்டுமொத்த முட்டை உற்பத்தி, 183 கோடியாக(1.83 பில்லியன்) இருந்த நிலையில், தற்போது பன்மடங்கு உற்பத்தி அதிகரித்துள்ளது. 1950களில் ஓர் ஆண்டுக்கு ஒரு தனிநபருக்கு கிடைக்கும் முட்டைகள் எண்ணிக்கை 5 முட்டைகளாக இருந்த நிலையில், 2020-21ல் ஆண்டுக்கு 91 முட்டைகளாக அதிகரித்துள்ளது. உலக அளவில் முட்டை உற்பத்தியில் முதலிடத்தில் சீனாவும்(38 சதவீதம்), அதனை தொடர்ந்து அமெரிக்காவும்(7 சதவீதம்) உள்ளது.