வருமான வரி மாற்றங்கள் 2024-25! நீங்கள் தெரிந்துகொள்ள வேண்டியவை..!

2024-25 ஆம் நிதியாண்டிற்கான வருமான வரி மாற்றங்கள் இன்று முதல் அமலுக்கு வருகிறது. என்னென்ன மாற்றங்கள் கொண்டு வரப்பட்டுள்ளன என்பதை விரிவாக பார்க்கலாம்.

வருமான வரி மாற்றங்களை ஒவ்வொரு முறையும் நீங்கள் எதிர்பார்த்து தேடி தேடி படித்து தெரிந்து கொள்வது அவசியம் என்பது நீங்கள் மாத சம்பளக் காரர்களாக இருந்தால் உங்களுக்கு அதன் அத்தியாவசியம் தெரிந்திருக்கும். ஆரம்பத்திலேயே இந்த பணிகளை முடித்துவிட்டால் வருடக் கடைசியில் தேவையற்ற டென்சன், பண இழப்பைத் தவிர்க்கலாம்.

மத்திய நிதியமைச்சர் நிர்மலா சீதாராமன் அவர்களின் இடைக்கால பட்ஜெட்டும் அதைத் தொடர்ந்து வெளிவந்த நிதி அமைச்சகத்தின் அறிவிப்புகளும் தனிநபர் வரிவிதிப்பு மற்றும் சிறு, குறு, நடுத்தர தொழில் நிறுவனங்கள் (MSME) என பல தரப்பினர் மத்தியில் சலசலப்பை ஏற்படுத்தியுள்ளன. மக்களிடம் காணப்படும் குழப்பங்களைத் தீர்க்கும் வகையில், இந்தக் கட்டுரை புதிய வரி முறையில் என்ன மாறப்போகிறது (அல்லது மாறவில்லை), மற்றும் சிறு, குறு, நடுத்தர தொழில் நிறுவனங்களின் கட்டண சுமையை குறைக்கும் புதிய விதி ஆகியவற்றை எளிமையாக விளக்குகிறது.

புதிய வரி முறை: குழப்பத்திற்கு முற்றுப்புள்ளி

இந்தியாவின் தனிநபர் வரி செலுத்துவோருக்கு புதிய வரி முறை என்பது கட்டாயமாக்கப்பட போகிறது என்ற வதந்தி பரவலாக காணப்பட்டது. இதை மறுத்துள்ள நிதியமைச்சகம், பழைய வரி முறையில் (விலக்குகள் மற்றும் கழிவுகளைப் பயன்படுத்தும் முறை) தொடருவது அல்லது புதிய வரி முறைக்கு மாறுவது என்பது முற்றிலும் வரி செலுத்துவோரின் தனிப்பட்ட விருப்பமே என்று தெளிவுபடுத்தியுள்ளது.

வரி விதிப்பில் வரும் மாற்றங்கள் என்ன என்பதை நிதி அமைச்சகம் ஆறு அம்சங்களில் சுருக்கியுள்ளது. அவற்றைப் பார்ப்போம்:

ஏப்ரல் 1, 2024 முதல் எந்த மாற்றமும் இல்லை: நிதியமைச்சகம், எதிர்காலத்தில் என்ன மாற்றங்கள் திட்டமிடப்பட்டுள்ளன என்ற விவரங்களை இப்போதைக்கு வெளியிடவில்லை.

புதிய வரி முறை இயல்பிருப்பாக இருக்கும்: ஆண்டு வருமான வரி கணக்கு தாக்கல் செய்யும்போது, தனிநபர்கள் பழைய அல்லது புதிய வரி முறையை தேர்வு செய்து கொள்ளும் வசதி தரப்பட்டுள்ளது. தற்போதைக்கு, புதிய வரிமுறையே இயல்பு நிலையாக (default) வைக்கப்பட்டுள்ளது.

வரி செலுத்துவோரின் விருப்பம்: புதிய வரி முறையின் கீழ், பல்வேறு விலக்குகள் மற்றும் கழிவுகள் பெற இயலாது. எனினும், குறைவான வரி விகிதங்களை புதிய முறை வழங்குகிறது. எந்த முறை தங்களுக்கு அதிக சேமிப்பு தருகிறது என்பதை கணக்கிட்டு, வரி செலுத்துவோர் தேர்வு செய்யலாம்.

வரி முறையை மாற்றும் வசதி: ஒரு நிதியாண்டில் புதிய வரி முறையை தேர்ந்தெடுத்த ஒருவர், அடுத்த நிதியாண்டில் பழைய வரி முறைக்கு மாற விரும்பினால், அந்த வசதி வழங்கப்படும். வணிக வருமானம் இல்லாத தனிநபர்கள் ஒவ்வொரு நிதியாண்டும் வரி முறையை தேர்வுசெய்ய அனுமதிக்கப்படுவார்கள்.

சிறு, குறு, நடுத்தர தொழில்களுக்கு மகிழ்ச்சி

சிறு, குறு, நடுத்தர தொழில் நிறுவனங்களுக்கும், பிற வணிக நிறுவனங்களுக்கும் இடையேயான கட்டணம் செலுத்தும் காலக்கெடுவை நிர்ணயம் செய்யும் வகையில் புதிய விதிமுறை ஒன்றை மத்திய அரசு அமல்படுத்துகிறது. இதன்படி:

ஒப்பந்த அடிப்படையில் சிறு, குறு, நடுத்தர நிறுவனங்களுக்கு பொருட்கள் அல்லது சேவைகளை வழங்கும் பிற நிறுவனங்கள், அந்த சேவை அல்லது பொருட்கள் வழங்கப்பட்ட நாளிலிருந்து 45 நாட்களுக்குள் கட்டணம் செலுத்திவிட வேண்டும்.

இந்த விதி ஏப்ரல் 1, 2024 முதல் நடைமுறைக்கு வரும்.

வணிக நிறுவனங்களுக்கு இடையே கட்டணம் செலுத்துவதில் ஏற்படும் தேவையற்ற தாமதத்தைக் குறைக்கும் நோக்கில் இந்த சட்டம் கொண்டுவரப்படுகிறது.

இடைக்கால பட்ஜெட்டின்படி, புதிய நிதியாண்டில் (FY2024-25) வருமான வரி அடுக்குகள் மாறாமல் இருக்கும். ₹பூஜ்ஜியத்திலிருந்து ₹3,00,000 வரையிலான வருமானத்திற்கு வரி விலக்கு அளிக்கப்படும் மற்றும் ₹3,00,001 முதல் ₹6,00,000 வரையிலான வருமானம் 5 சதவீதமும், ₹6,00,001 முதல் ₹9,00,000 வரை 10 சதவீதமும் வரி விதிக்கப்படும். ₹9,00,001 முதல் ₹12,00,000 வரை 15 சதவீதமும், ₹12,00,001 முதல் ₹15,00,000 வரை 20 சதவீதமும், ₹15,00,000 மற்றும் அதற்கு மேல் 30 சதவீதமும்.

முடிவுரை

புதிய வரி முறை சர்ச்சையை ஏற்படுத்தியிருந்தாலும், வரி செலுத்துவோருக்கான தேர்வு சுதந்திரம் உள்ளது என்பது ஆறுதலான விஷயம். புதிய MSME கட்டண செலுத்துதல் விதி, சிறு தொழில்கள் தங்கள் வணிகத்தை தொய்வின்றி நடத்துவதற்கு உதவும் என்று நம்பலாம்.